Morho phral,

   E Evanghelia si o mesajo le Devlesko vașa tukă!   E Evanghelia si e speranța vașa tkiro suflet-o kai nailes nădejdea!    E Evanghelia si o mesajo la iertăreako vașa o sufleto apăsime de-o bezăh! Vo si o mesajo kai slobozindeas o sufleto apăsime de-o bezăh!  Vo si o mesajo la împăcăreako vașa o sufleto hasardo!  Vo si o mesajo vas peskă savora kai si hasarde! “O Del drago sas e lumia, ai Vo tradia Peske ieke Șaves, kashke kon godi kai pachialpe ande Leste te na haiil, numa te avel les o traio kai ci mai getolpe. Ke O Del ci tradia Peske Șaves ande lumia te del kris la lumia, numa e lumia te sai avel skăpime Lestar!” – Ioano 3:16-17

Vașa o sufleto bokalo, O Rai O Isus si o Manro la Traiosko! "Me sîm o manrho le traiosko; kodo kai avela Mande șohar ci avela bokhalo; kodo kai pachial ande Mande șohar ci avela trușalo!” – Ioano 6:35

Vașa koko kai si trușalo pala o Del, O Rai O Isus si o Pai la Viațako! "Te si vari kon trușalo, mek te avel Mande, ai pel!” – Ioano 7:37

Vașa kodo kai pirel ando tunearico, O Rai O Isus si e Lumina la lumeaki! "Me sîm e lumina la lumiaki. Kodo kai lelape pala Mande avela les e lumina le traioski ai ci phirela șohar ando tuniariko!" – Ioano 8:12

Vașa kodo kai si avri, O Rai O Isus si O Vudar karing o Cerii! “Me sîm o Vudar! Te șolape varekon pa Mande avela skăpime; jal andre, ai jal avri ai arakhela ciar lași!” – Ioano 10:9

Vașa le Bakre le hasarde, O Rai O Isus si o Lașio Păstoro!“Me sîm o Lașo Păstoro. O Lașo păstoro del pesko traio pala peske bakriorha!” – Ioano 10:11

Vașa kodo kai si mulo ando bezăh, O Rai O Isus si o Juvindimos hai o Traio!

"Me sîm o Juvindimos ai o Traio! Kon pachialape ande Mande, traiila, măkar te merela!” - Ioano 11:25

Vașa kodo rătăcime, hasardo, thai mulo, O Rai O Isus si o Drom, o Ciacimos ai o Traio!

"Me sîm o drom, o ciacimos, ai o traio. Khonik naști avel ko Dad, numa te nakhela Mandar!” - Ioano 14:6 

Vașa kodo kai așel and-o Rai O Isus, Vo si o Ceacimos e Vița!

“Me sîm o khaș le strugurosko, ai tume san le krenji. Kuko kai beșel ande Mande, ai Me beșav ande leste, vo anel but fruta; ke tu bi Mango naștis te keres khanci!” - Ioano 15:5

Ando Rai O Isus Hristos tkiro sufleto arakăl se so ade lumea naștil deas tut nici iek data.Hai kai O Rai O Isus hai si te aves skăpime!E promisiunea le Raieski le Isusoski si:

“Ai kodales kai avel Mande șohar ci dava avri!” – Ioano 6:37

 Moro rughimos hai kodolengo kai si skăpime si kai tu te primis le Raies O Isus Hristos ande tkiro ilo sar Rai hai Mântuitori tkire sufletoska!

Păstor Eugen Oana

Oradea, Romania - 2010

Ioano

  E Lași Vestia - Evanghelia o Ioano

 1.O Divano le traiosko

1.  Mai anglal sas O Divano, ai O Divano sas le Devlesa, ai O Divano sas O Del!

2.  Vo anglal sas le Devlesa!

3.  Vo kerdia seko fielo, ai kanci so kerdilo nas kerdo bi Leste.

4.  Ande Leste sas o traio, ai o traio sas e lumina le manușenge.

5.  E lumina strefial ando tuniariko, ai o tuniariko șohar ci mudardia e lumina.

6.  Sas iek manuș tradino katar O Del, lesko anav sas Ioano.

7.  Avilo o Ioano te phenel le manușenghe pa-i lumina. Kașke savorhe te pachianape pala leste.

8.  O Ioano nas e lumina, numa vo sas tradino te phenel pa-i lumina.

9.  Kadia ciaci lumina avel ande lumia te del lumina ka svako manuș kai avela ande lumia.

10. Vo sas ande lumia, ai e lumia sas kerdi pala Leste numa e lumia ci janglia Les.

11. Vo avilo ka Peske, ai Leske ci premisarde Les.

12. Unii premisarde Les ai pachialpe ande Leste; Vo dia len e puteria te aven șave le Devleske.

13. Kodola kai arakhadile, na anda rat, ci andai voia le statoski, ci andai voia le manușeski, numa katar O Del.

14. Ai O Divano kerdile stato ai beșelas mașkar amende ando haro ai le ciacimos. Ame dikhliam Lesko barimos, pherdo miștimasa ai ciacimasa, kadia sas o barimos le ieke Șavesko kai avilo katar O Dad.

15. O Ioano phendia pa Leste, phenelas: "Kado si kai phendem, 'Vo avela pala mande, numa Vo si mai baro mandar, ke Vo sas mai anglal arakhadilem!'"

16. Ai ame savorhe liam anda Lesko baro lașimos, miștimos pe miștimos!

17. Ke O Zakono sas dino katar o Moise, numa o miștimos ai o ciacimos avilo katar O Isus Hristos!

18. Khonik șohar ci dikhlia le Devles, numa o iek Șav kai si le Dadesa, ai Vo

si kai kerdia te janas Les.So phenel o Ioano Baptisto

19. Ai kodia si o ramomos le Ioanosko, le jidovuria trade le bare rașia ai le levituria andai Ierusalim te phușen les:

20.  "Tu kon san?" Ai vo phendias lenghe ai ci garadia kanci, phenelas: "Ci sim O Hristos!"

21. Ai von phușen les: "Kon san tu? Tu san o Ilie?", ai vo phendia: "Ci sim!" Atunci von phușle: "Tu san o profeto?", ai vo phendia: "Nici!"

22. Porme phende leske: "Kon san tu? Te das atveto kodolenghe kai tradine ame. So phenes pa tute, kon san?"

23. O Ioano phendia: "Me sîm o glaso kodoleske kai țîpil ande pustia: "Vorton o drom le Devlesko!" sar phendia o Isaia o profeto!"

24. Von kai sas tradine, sas anda le fariseii.

25. Ai mai phușle les, phenenas: "Atunci, sostar boles te ci san e Mesia, vai ci o Ilie, vai ci o Profeto?"

26. O Ioano dia le atveto, phenelas: "Me bolav ando pai, numa mașkar tumende, si varikon kai tume ci janen.

27. Vo si kai avela pala mande, me ci sîm dosta lașo te phutrav le doria Leske papucenghe!"

28. Kadala dieli kerdionas ando Betania închial o Iordan, kai o Ioano bolelas.O Bakroro le Devlesko

29. Pe terharin o Ioano dikhlia O Isus sar avelas leste, ai phendia: “Dikh! O Bakriorho le Devlesko, kai lel e bezăh le lumiako!

30. Pa Kado si kai phendem: ‘Pala mande avel iek manuș kai si mai baro mandar, ke Vo sas mai anglal mandar!"

31. Me ci janavas Les, numa avilem te bolav le paiesa, kașke sai Israel te janel Les!"

32. Porme o Ioano phendia: "Dikhlem O Sfânto Duho sar hulelas anda ceri sar iek gulumbo, ai beșlo pe Leste.

33. Me ci janavas Les, numa Kodo kai tradia ma te bolav ando pai, phendia manghe: ‘Pe Kodo kai dikhesa O Sfînto Duho te hulela, ai te beșela pe Leste, Kodo si kai bolel le Sfîntone Duhosa!’

34. Ai me dikhlem, ai phenav tumenghe ke Vo si O Șav le Devlesko!"Le pervi ucenicii le Isusoske

35. Pe terharin o Ioano mai sas pe kodo than duiensa anda leske ucenicii.

36. Kana dikhlias O Isus nakhelas, vo phendia: "Kathe si O Bakrorho le Devlesko!"

37. Le dui ucenicii așunenas le vorbi kai phendia, ai linepe pala Isus.

38. Porme O Isus boldinisailo ai dikhlia ke avenas pala Leste, ai phușlia len:"So roden?" Ai von dine atveto: "Rabi, kai beșes?"

39. Phendia lenghe:"Aven ai dikhen!" Von avile ai dikhle kai beșelas hai beșlo Lesa kodo dies. Kodo sas pala miazuțo karing le ștar ciasuria.

40. O Andrei, phral le Simonosko Petru, sas iek andal dui manuș kai așundia so phendia o Ioano, ai liape pala Isus.

41. Strazo o Andrei arakhlia peske phrales o Simon, ai phendia leske: "Arakhliam e Mesiah!" (E vorba znachil "Hristos.")

42. Ai o Andrei angerdia o Simon karing O Isus. Kana O Isus dikhlia pe leste, phendia: "Tu san o Simon o șav le Ioanosko, te aves akhardo Chifa." (O anav Chifa bușiol Petru vai bah.)

O Isus akharel le Filip ai le Natanael

43. Pe terharin O Isus manglia te jal ando them kai bușolas Galilea. Vo arakhlia le Filip, hai phendia leske:"Le tu pala Mande!" '

44. O Filip sas anda foro, kai bușolas Betsaida, o foro kai beșle o Andrei ai o Petru.

45. O Filip arakhlia le Natanael ai phendia leske: "Arakhliam Kodoles kai o Moise ai le profeturia ramosarde ande klișka le zakonosko, Vo si O Isus andai Nazaret, o șav le Iosifosko!"

46. O Natanael phendia leske: "Sai avel anda Nazaret variso lașo?" O Filip phendia leske: "Aidi ai dikh!"

47. O Isus dikhlia o Natanael avelas Leste, ai phenel pa leste: "Dikh! Iek ciacio jidovo, nai ci iek ațaimos ande leste!"

48. O Natanael phendia Leske: "Katar janes ma Tu?" O Isus phendia leske:"Mai anglal o Filip akhardia tu, kana sanas telal pruing le smokinenghe, Me dikhlem tu!"

49. Porme o Nathanael phendia Leske: "Gazda, Tu san O Șav le Devlesko! Tu san O Împărato le Jidovengo!"

50. O Isus phendia leske:"Anda kodia ke phendem tuke: ‘Dikhlem tu telal pruing le smokinenghe’, tu pachias? Numa dikhesa mai bare dieli sar kadala!"

51. Phenel leske:“Ciacimasa, ciacimasa, phenav tumenghe ciacimos, dikhena o Cerii phuterdiol, ai le îngerii le Devleske anklen ai hulen tele po Șav le Manușesko!”

 2

O abiav ande o Cana

1.  Trin dies pala kodia sas iek abiav ando gav kai bușol Cana, ando them Galilea; ai e dei le Isusoski sas kothe.

2.  Ai vi O Isus sas akhardo Peske ucenicii ka abiav.

3.  Ai kana mangle mol, e dei le Isusoski phendia Leske: “Ma nai le mol!”

4.  O Isus phendia lake: "Juvlio, so si mașkar tute ai Mande? Murho ciaso înker ci avilo!"

5.  Leski dei phenel le slugenge: "Keren so godi Vo phenela tumenge!"

6.  Kothe sas șov phiria cikake, thodinesas te vujarenpe le jidovuria, svako phiri sai jalas vai iek șel litre pai.

7.  O Isus phendia lenge:"Peren le phiria le paiesa!" Line le slugi ai pherde le jando mui.

8.  O Isus phendia lenge:"Len akana ai angeren ka o dat la șako kai kerdia o abiav, ai îngerde leske!”

9.  Kana o dat le șako zumadia o pai kai kerdilosas mol, vo ci janelas katar avelas kodia mol, numa le slugi kai linesas anda kodo pai janenas mișto. Porme o dat la șako akhardia le manușes kai însurilaspe,

10. ai phenel leske: "Svako manuș del e mai lași mol mai anglal; ai porme kana savorhe machile, del e mai ciorhi; numa tu garadian e lași mol ji akana!"

11. Kado sas o pervo minunea kai kărdia O Isus ando gav kai bușol Cana ando them Galilea. Kothe sikadia Pesko putieria, ai Leski ucenicii pachiaiepe ande Leste.

12. Pala kodia O Isus, ai Leski dei, ai Leske phral, ai Leske ucenicii gele Lesa ando foro kai bușol Capernaum, ai beșle hanți dies.

O Isus ande o Templo

13. Ai o dies o baro le jidovongo Paska pașolas, ai O Isus gelo ando Ierusalim.

14. Ai arakhlia ande Templo manușen kai bichinenas guruven ai bakrian ai gulumburia, ai vi manuș kai parhuvenas love beșenas kothe.

15. Ai kana O Isus lia șelo ai kărdia peske biciuo anda leste, Vo gonisardia savorhen avri andai Templo ai vi le bakrian, ai le guruven, ai dia muial le skafidia kodolenge kai parhuvenas le love.

16. Ai phendia le manușenge kai bichinenas le gulumbon: "Len kadala dieli kathar! Na keren anda kher Murhe Dadesko bazari!"

17. Ai Leske ucenicii dinepe goji ke ramomesas ande Vorba le Devleski: "De drago kai si Mange Tkio Khăr, Devla, phabol ande Mande sar iek iag!"

18. Porme le jidovuria phușle Les: "Ce minunea sai keres Tu te sikaves amenge, ke si Tu putieria te keres kadia?"

19. O Isus phendia lenge: "Peraven kadia templo, ai ande trin dies te vazdav la!"

20. Le jidovuria phende Leske: "Trobulsardia ștarvardeș tai șov berș te keras kadia Templo! Ai Tu phenes ke ande trin dies vazdes la palpale?"

21. Numa O Isus delas duma pai templo Peske statosko.

22. Sa anda kodia O Isus juvindisailo andai moartia ka traio, Leske ucenicii dine pe goji ke phendia sas kadia, ai von pachianaspe o ramomos ai e vorba kai phendia sas O Isus.

O Isus jianel so-godisi ande o manuș

23. Ande vreamia kai O Isus sas ando Ierusalim ka dies o baro le jidovongo Paska, but norodo pachianaspe ando Lesko Anav, kana dikhenas le minunilea kai kerdia.

24. Numa O Isus ci jinelas pe lende, ke Vo janelas len savorhen.

25. Ai ci trobulas varikon te phenel Leske pa manuș; ke Vo janelas korkorho si ando manuș.

  3 O Isus ai o Nicodim

1.  Sas iek manuș anda le farisei kai bușolas Nicodim, iek baro le jidovongo.

2.  Ai avilo ande iek e riate ko Isus ai phendia Leske: "Hajainona, ame janas ke O Del tradia Tu te sichares amen; ke khonik naști kerel kadala minunea kai keres Tu, te nai O Del kodolesa."

3.  O Isus del les palpale ai phendia leske:"Ciacimasa, ciacimasa, phenav tuke, khonik naști dikhela o rhaio le Devlesko te na kerdiola aver data!"

4.  O Nicodim phendia Leske: "Sar daștilpe iek manuș te kerdiol aver data kana si phuro? Sai mai jal palpale ando ji peska dako, ai te kerdiol aver data?"

5.  O Isus phendia:"Ciacimasa, ciacimasa, phenav tuke, khonik naști jal ando rhaio le Devlesko te na kerdiola anda pai ai anda Sfânto Duho.

6.  So kerdilo katar o stato, stato si; ai so kerdilo katar O Sfânto Duho, Sfânto Duho si.

7.  Te na ciudis tu kai phendem tuke, ke trobul te kerdion aver data.

8.  E barval phurdel kai voi mangel, ai așunes o șumo, numa tu ci janes katar avel, ai ci kai jal; sakadia si svako manuș kai kerdilo anda Sfânto Duho!"

9.  O Nicodim phendia Leske: "Sar kadia diela sai kerdiol?"

10. O Isus dia les atveto ai phendia leske: "Tu san iek gazda anda Israel, ai ci janes kadala dieli?

11. Ciacimasa, ciacimasa, phenav tuke, ame mothas so janas, ai sam marturia anda so dikhliam, numa tume ci primin amari vorba.

12. Tume ci pachian man kana phenav tumenge pal dieli la phuviake, sar pachian tume kana phenava tumenge pala dieli le rhaioske?

13. Khonik ci anklisto ando rhaio, ke ferdi kodo kai hulisto tele anda rhaio, O Șav le Manușesko kai si ando rhaio!

14. Ai sar o Moise vazdia o sap ando pustia, sa kadia trobul O Șav le

Manușesko te avel vazdino.

15. Kashke kon godi kai pachialpe ande Leste te na haiil, numa avel les o traio le rhaiosko.

16. O Del drago sas e lumia, ai Vo tradia Peske ieke Șaves, kashke kon godi kai pachialpe ande Leste te na haiil, numa te avel les o traio kai ci mai getolpe.

17. Ke O Del ci tradia Peske Șaves ande lumia te del kris la lumia, numa e lumia te sai avel skăpime Lestar.

18. Kodo kai pachialpe ande Leste, nai kris pe leste; numa kodo kai ci pachialpe, e kris vunje si pe leste, ke ci pachiaiepe ando Anav le ieke Devlesko Șav.

19. Katar avel e kris, si ke e lumina avili ande lumia, ai le manuș alosarde o tuniariko ke sar e lumina, ke so kerde sas nasul.

20. Ke kon godi kerel o nasulimos nai leske drago e lumina, ai ci avel kai lumina, ke ci mangel te dikhol leske bezehă.

21. Numa kodo kai kerel so si vorta avel kai lumina, ke lesko lașimos sai dikhol, ke kerdiol lo pala Del!”

O Isus ai o Ioano

22. Pala kodia O Isus ai Peske ucenicii avile ando them kai bușolas Iudea; ai kothe beșlo lensa, ai bolelas.

23. Ai vi o Ioano bolelas ando Enon pașa Salim, ke sas kothe but pai, ai avenas kothe le manuș te bolin.

24. Ke o Ioano nas înker thodino ande temnița.

25. Atunci unii andal ucenicii le Ioanoske ai iek jidovo marenas mui pa vujimos.

26. Ai avile ka Ioano, ai phende leske: " Hajainona, Kodo kai sas tusa închal o Iordan, pa Kudo kai dian amenge duma, eta, Vo bolel, ai savorhe jan Leste!"

27. O Ioano phendia: "Khonik naști avel les variso te na avela leske dino katar O Del.

28. Tume san murhe mărturia, ke phendem: ‘Ci sîm o Hristos, numa sîm tradino angla Leste.’

29. Kodo kai si les e rhomni si o ternahar; numa o vortako le ternaharesko, kai beșel pașa leste ai așunel les, raduilas but pala glaso le ternaharesko: me sîm pherdo kadia raduimasko.

30. Vo musai bariol, ai me musai te teliuvav.Kudo kai avel anda o cerik

31. Kodo kai avel katar opral, si opral pe savorhe; kodo kai si la phuviako, la phuviako așel, ai del duma sar te avino phuviako. Kodo kai avel anda rhaio, si opral pa savorhe.

32. Vo phenel so dikhlia ai așundia, numa khonik ci pachial Leske vorbi.

33. Savo kai premisardia so așundia Lestar, kodo preznail ke O Del si ciacio.

34. Kodoles kai O Del tradia phenel le vorbi le Devleske, ke O Del ci del Les O Sfânto Duho pe masura.

35. O Dad drago le Șaves, ai thodia svako fielo ande Leske vas.

36. Kodo kai pachialpe ando Șav si les o traio sadaiek kai ci mai getolpe; numa kodo kai ci pachialpe ando Șav ci dikhela o traio, numa e holi le Devleski beșel pe leste.”

  4 O Isus ai e jiuvli samariteana

1.  Le fariseii așunde ke O Isus kerelas ai bolelas mai but ucenicii de sar o Ioano.

2.  Numa O Isus ci bolelas, numa Leske ucenicii.

3.  O Isus meklia e Iudea, ai gelo palpale ande Galilea.

4.  Numa trobulas te nakhel pai Samaria.

5.  Areslo anda iek gav ande Samaria kai bușolas Sihar, pașa kîmpo kai o Iakov diasas ka Iosif pesko șav.

6.  Kothe sas e haiin le Iakovoski. O Isus chino sas katar o phirimos, thodiape pașai haiin ai beșlo tele; sas karing le deșudui ciasuria.

7.  Iek juvli andai Samaria avilo te lel pai; O Isus phenel lake: "De ma pai te piiav!"

8.  Ke Leske ucenicii gele sas ando foro te chinen habe.

9.  Atunci e juvli andai Samaria phendia Leske: "Sar Tu kai san jidovo, manges mandar pai te pes? Ke sîm juvli andai Samaria.” Ke le jidovuria ciaces ci brotinas le manușensa kai si andai Samaria.

10. O Isus phendia lake: "Te janglianas tu e podarka le Devleski, ai kon si Kodo kai phenel tuke: ‘De man te piiav!’, tu korkorho manglianas Lestar te pes, ai del tu pai juvindo!"

11. E juvli phendia Leske: "Gazda, nai Tu kanci te țîrdes ai e haiin tele la, katar anesa kodo pai juvindo?

12. San Tu mai baro katar amaro dad o Iakov, kai dia ame kadia haiin, ai pilia vi vo, ai leske șave, ai leske jigeni?"

13. O Isus phendia lake: "Kon godi pela anda kado pai mai avela trușalo;

14. Numa kado kai pela anda pai kai dava les ci mai avela trușalo; numa o pai ai dava les kerdiola ande leste haiin paieske kai jal ando traio kai ci mai getolpe!"

15. E juvli phendia Leske: "Gazda, de ma kado pai, sahke te na mi avav trușali, ai te na mai avav kathe te țîrdav pai anda haiin."

16. O Isus phendia lake: "Ja. Akhar chie rhomes, ai aida kathe."

17. E juvli phendia Leske: "Nai ma rhom.", ai O Isus phendia lake: "Vorta phenes, ke nai tu rhom,

18. ke sas tu panș rhom; ai kado kai si tu akana nai chio rhom; ciaces so phendian."

19. E juvli phendia Leske: "Gazda, dikhav ke Tu san profeto.

20. Amare dada rhuginaspe kathia plaiin; ai tumen phenen, si ando Ierusalim o than kai trobul te rhugisavas ka Del."

21. O Isus phendia lake: "Juvlio, o ciaso avela, kai ci mai rhugina le Dades ci pe kathia plaiin ai ci ando Ierusalim.

22. Tume ci janen kas te rhugin tume; ke o skăpimos avel katar le Jidovuria.

23. Numa o ciaso avel, ai vunje avili, kana le ciace manuș rhuginpe ka Dad ando duho ai ando ciacimos; ke kadia mangel O Dad te rhuginpe le manuș.

24. O Del si Duho, ai kodola kai rhuginpe Leste, trobul te rhugin Leste ando duho ai ando ciacimos."

25. E juvli phendia Leske: "Janav ke O Mesia avela, kodo kai si O Hristos; kana avela, Vo sicharel ame svako fielo."

26. O Isus phendia lake: "Me sîm Kodo kai dav duma tusa!"Trezirea anda Samaria

27. Pe kadia aresle Leske ucenicii, ai ciudisaile te dikhen sar del duma la juvliasa; numa ci iek chi tromailo te phușel Les: "So manges latar?", vai "Sostar des duma lasa?"

28. E juvli meklia peski vadra, ai gelitar ando gav, ai phenel le manușeske.:

29.  "Aven, dikhen iek manuș kai phendia mange so godi kerdem. Nai kado O Hristos?"

30. Anklisto avri anda foro, ai avile Leste.

31. Ande kodia vremia Leske ucenicii grebinas, phenenas Leske: "Gazda, has vari so."

32. Numa Vo phendia lenge:"Si Ma habe te hav kai tume ci janen!"

33. Le ucenicii denas pe duma iek kavres: "Pate andia Leske vari kon te hal?"

34. O Isus phendia lenge:"Murho habe si te kerav e voia Kodoleski kai tradia Man, ai te getov Leske buchi!

35. Ci phenen tume: ‘Si ștar șon ji kai chiden o jiv?’ Așun! Me phenav tumenge, phutren chieo iakha, ai dikhen le kîmpuria; ke vunje o jiv gatalo te avel chidino.

36. Kodo kai chidel lel peske pochin, ai chidel fruti pala o traio le rhaiosko; ai kodo kai șudel o jiv ai kodo kai chidel raduinpe andek than.

37. Kadala vorbi si ciace, iek șudel o jiv, ai kaver chidel o jiv.

38. Me tradem tume te chiden so ci șudian, aver kerde buki. Aver bariarde ai tume avile te chiden lenge fruti!"

39. But Samaritanuria kodole gaveske pachianaspe ando Isus pala kathia vestia ciaci la juvliaki, voi phendia: "Phendia mange so godi kerdem!"

40. Ai vi le Samaritanuria avile ka Isus, ai mangenaspe Lestar te beșel pașa lende. Vo beșlo dui dies.

41. Ai mai but norodo pachianaspe ando Isus pala Leske vorbi.

42. Ai mothonas la juvliake: "Akana pachias ame, nai ke pala so tu phendian amenge, ke ame asșundiam Les ame, ai janas ke ciaces Vo si O Hristos, O Mântuitori la lumiako!"

O Isus sastiarel le șiaves katar iekh fițiri

43. Pala kodola dui dies O Isus gelotar kothar te jal ande Galilea.

44. Ke O Isus phendiasas, ke iek profeto nai jindo ande pesko them.

45. Kana areslo ande Galilea, le galilenuria premisarde Les, kai dikhle so godi O Isus kerdiasas ando Ierusalim kana sas e pachiv; ke vi von sas ka kodia pachiv.

46. O Isus avilo palpale ando gav kai bușol Cana andai Galilea, kai parhudiasas o pai te kerdiol mol. Sas ando Capernaum iek fițiri le împăratosko, kai sas lesko șav nasvalo.

47. Kana așundia ke O Isus avilo andai Iudea ande Galilea, gelo karing Leste, ai mangliape Lestar te avel te sastiarel leske șaves, kai si po merimos.

48. Porme O Isus phendia leske: "Te na dikhena minunia ci pachian tume, vov si!"

49. O fițiri le împăratosko phendia leske: "Gazda, aida mande mai anglal te merel murho șav!"

50. O Isus phendia leske: "Ja khere, chio șav traiil!" Ai kodo manuș pachiaiape e vorba kai O Isus phendia leske, ai gelo!

51.  Înker po drom sas te jal peste khere, kana leske slugi avile ande lesko drom, ai mothon leske: "Chio șav traiil!"

52. Ai vo phușel len: "Kă ce ciaso sastilo?" ai von phende leske: "Arachi karing o pervo pala miațuzo o jaro gelotar."

53. Atunci o dad janelas ke sas kodo ciaso kana O Isus phendiasas leske: "Chio șav traiila!" Vo ai savorhe ando lesko kher pachianaspe ando Isus.

54. Kado sas o duito minunea kai kerdia O Isus kana avilo andai Iudea ande Galilea.

  Ioan 5

1.  Pala kodia sas iek pachiv le jidovonghi; ai O Isus gelo ando Ierusalim.

2.  Ai ando Ierusalim sas pașa vudar le bakriango, sas iek balta paieske

panșe vudarensa, ai akharenas la jidovisko Betesda.

3.  Andre sas but nasvale kai beșenas tele, korhe, bange, ai paralitikuri ajukerenas te miștil o pai.

4.  Ke iek îngero le Devlesko hulelas pe vriamia ai miștilas o pai; o pervo nasvalo kai hulelas ando pai kana sas buntuime, sastiolas anda pesko nasvalimos savestar godi sas.

5.  Kothe sas iek manuș nasvalo de trianda ai ohto berș.

6.  Kana O Isus dikhlia les tele, ai janglia ke sas nasvalo de demult, phușlia les: "Kames te aves sasto?"

7.  O nasvalo manuș phendia Leske: "Gazda, nai khonik kathe te șudel ma ando pai kana si buntuime; ai kana avav, aver hulel tele mai anglal mandar.

8.  Isus phendia leske: "Vuști, le chio than ai phir!" 9. Ai strazo kodo manuș sastilo, vo lia pesko than ai phirdia.

Numa sa kodia diela kerdili Sabato.

10. Le jidovuria phende le manușeske kai sastilo: "Adies si Sabato, ai nai slobodo tuke te angeres chio than."

11. Vo phendia lenge: "O manuș kai sastiardia ma, phendia mange: ‘Le chio than, ai phir!’"

12. Atunci phușle les: "Kon si o manuș kai phendia tuke, te les chio than ai phires?"

13. Numa o manuș kai sastilo ci janelas o anav Kodolesko kai sastiardia les, ke O Isus gelotar ke sas but narodos ande kodo than.

14. Pala kodia, O Isus arakhlia les ande Templo, ai phenel leske: “Așun! Sastilian anda chio nasvalimos, na mai ker bezehă akana, te na mai kerdiol tuke variso mai nasul.”

15. Kodo manuș gelotar, ai phendia le jidovonghe ke O Isus sastiardia les.

16. Sa anda kodia le jidovuria chinuisarde Isus, ai rodenas te mudaren Les, ke kerdia kodia o dies Sabato.

17. Numa O Isus phendia lenge: "Murho Dad kerel buchi sorho dies, ai vi Me kerav buchi!"

18. Pa kadala vorbi le jidovuria rodenas mai but te mudaren Les; na ferdi ke kerdia kodia Sabatone, numa ke phendia ke O Del si Lesko Dad, ai Vo kerdilo iek fielo sar O Del.

19. O Isus phendia lenge: "Ciacimasa, ciacimasa, phenav tumenge, O Șav naști kerel kanci pestar, numa kerel so dikhel O Dad kerel; so godi kerel O Dad, vi O Șav kerel.

20. Ke O Dad drago le Șaves, ai sikavel Leske so godi kerel. Ai O Dad sikavela Leske mai bare buchi sar kadala, ciudina tume.

21. Ke sar O Dad vuștiavel le mulen, ai del le o traio, saikfielo O Șav del o traio kodolen kai mangel Vo.

22. O Dad ci kerel kris pe khanikaste, numa dia e putieria le Șaves te krisinil.

23. Kaște savorhe te luvudin le Șaves, sar luvudin le Dades. Kodo kai ci luvudil le Șaves, ci luvudil le Dades kai tradia Les.

24. Ciacimasa, ciacimasa, phenav tumenge, kon godi kai așunel Murhi vorba, ai pachialpe ande Kodo kai tradia Ma, avela les o traio kai ci mai getolpe, ai ci avela pe leste kris; numa nakhlo anda merimos ai gelo ka traio kai ci mai getolpe.

25. Ciacimasa, ciacimasa, phenav tumenge, O ciaso avela, ai vunje avili, kana le mule așunena o glaso le Șavesko le Devlesko; ai kodola kai așunena Les traiina.

26. Ke sar O Dad si les o traio ande peste, saikfielo Vo kerdia peske Șaves te avel o traio ande Peste.

27. Ai dia peske Șaves e putieria te kerel e kris, ke Vo si O Șav le Manușesko.

28. Na ciudin tume ke o ciaso avela, ke sa le mule kai si andel le grepoșevuria așunen Lesko glaso.

29. Ai anklena avri andal grepoșevuria, kodola kai kerde mișto anklena avri te len o traio kai ci mai getolpe. Ai kodola kai kerde o nasulimos, vuștena te nakhen pe kris te jan ando iado.

30. Naști kerav kanci anda Mande. Sar așunav, kerav kris pala so phenel Mange O Del, ai Murhi kris si vorta, ke ci rodav te kerav so mangav anda Mande, numa ferdi so mangel te kerav Kodo kai tradia Ma.

31. Te mothava pa Mande, so phenav naști te avel ciacimos.

32. Numa aver si kai phenel pa Mande; ai Me janav le vorbi kai Vo mothol pa Mande si o ciacimos.

33. Tume tradian marturia ka Ioano o Baptisto, ai vo phendia tumenghe o ciacimos.

34. Man, ci trobul le vorbi katar le manușen te phenel ke vorta sim, numa phenav kadia, sahke te sai aven skepime.

35. O Ioano sas sar iek lampo kai phabolas ai sar e lumina kai strefialas; ai tume manglian te raduin tume hanți vriamia ande leski lumina.

36. Numa, Man si Man iek mai baro ciacimos pa Mande sar o Ioano, Me kerav e buchi kai Murho Dad dia Ma te kerav, kodola buchia kai kerav sikaven pa Mande ke O Dad tradia Ma.

37. Ai O Dad kai tradia Ma, phenel vi Vo pa Mande. Tume șohar ci așundian Lesko glaso, ai șohar ci dikhlian Lesko mui.

38. Ci garaven Leske vorbi ande tumende, ke ci pachian tume ande Kodo

kai tradia Les.

39. Sichon o ramomos ande Vorba le Devleski, ke tume gîndin kai arakhena ande late o traio kai ci mai getolpe. Ai o ramomos del duma pa Mande!

40. Ai tume ci aven Mande, te avel tumen o traio.

41. Ci rodav o luvudimos andal manuș.

42. Numa Me janav tumen; ke nai dragostia le Devleski ande tumende.

43. Avilem ando o Anav Murhe Dadesko, numa ci premisardian Ma; numa te avela aver ande pesko anav, premisaren les.

44. Drago tumenge te aven luvudime iek avrestar, numa ci roden o luvudimos te avel ferdi katar O Del; sar sai pachian tume?

45. Na gîndin ke doșarava tumen ka Murho Dad. Si iek kai doșarela tumen, kodo si o Moise kai thodian tumaro pachiamos ande leste.

46. Te pachiaianas tume ciaces ando Moise, pachiadian vi ande Mande; ke vo ramosardia pa Mande.

47. Numa te ci pachiana tume so ramosardian, sar sai pachian Murhe vorbi?"

  Ioan 6

1.  Pala kodia, O Isus gelotar inchial o pai kai bușolas Galilea (vai Tiberiada).

2.  But narodo lelaspe pala Leste, ke le manuș dikhenas le minunea kai kerelas, ai sastiarelas le nasvalen.

3.  O Isus anklisto po plai ai beșlo tele kothe peske ucenicii.

4.  Ai O Paska, o dies o baro le jidovongo pașolas.

5.  O Isus vazdia le iakha, ai dikhlia iek baro narodo avel Leste, Vo phendia le Filiposke: "Kai sai chinasa dosta habe te pravaras sa kadale norodos?"

6.  Vo phendia kadia te zumavel les, numa O Isus janglia so kerelas.

7.  O Filip phendia Leske: "Dui șela teliara rupunen ci avela ame dosta te chinas manrho te das hanți kotororho svakones.

8.  Iek anda Leske ucenicii, o Andrei, o phral le Simonosko Petru, phenel Leske:

9.  "Si kathe iek raklorho, kai si les panj manrhe, ai dui ținorhe mașe. Numa so si kadala pe kado but norodo?"

10. O Isus phendia lenge: "Atunci keren te beșen savorhe tele.” Kothe sas but ciar. Le manuș beșle tele. Von sas paște panj mii murș.

11. O Isus lia le manrhe, naisisardia le Devles, ai O Isus dia le kal ucenicii, ai Leske ucenicii dia le ka norodo kai beșelas tele, ai sakadia le mașeske, ai sas le sode von mangle.

12. Kana hale dosta savorhe, Vo phenel peske ucenici: "Chiden le kotora kai

așșile; te na hasavol kanci!"

13. Le ucenicii chide le deșu dui shkoniți pherdesas le kotorensa kai așșile katar le panj manrhe kana savorhe hale.

14. Le jene kai dikhle o minunea kai kerdia O Isus, phende: "Kado si o ciacio Profeto kai trobulas te avel ande lumia!"

15. Ai O Isus janelas ke si te aven te len Les pe zor, te keren les împarato, gelotar po plai kokorho.

16. Kana e riat avili, Leske ucenicii gele karing e marea.

17. Ankliste ande iek ciuno, ai thodepe te nakhen o pai palpale karing o Capernaum. Akana sas tuniariko, ai O Isus înker ci avilo lende.

18. Ai e marea buntuime sas ke barval phurdelas zurales.

19. Kana kerdesas biștapanj vai tranda stadia (panj vai șov kilometer) po pai ando ciuno. Von dikhle O Isus phirelas pe marea, ai pașolas lende ando ciuno; ai von daraile.

20. Numa O Isus phendia lenge: "Me sim, na daran!"

21. Mangenas te len Les ande pengo ciuno; ai strazo o ciuno areslo karing e phuv kai trobulas te jan.

22. Pe terharin, kana o narodo kai beșle pe kolaver rig la mareako, dikhle ke sas kothe ferdi iek ciuno. Von jangle ke O Isus ci anklisto ando ciuno peske ucenicii, numa geletar korkorho.

23. Numa aver ciunuria avile andai Tiberiada, areslesas pașa o than kai halesas o manrho, kana O Isus naisisardiasas le Devles.

24. Kana o norodo dikhle ke O Isus nas kothe, ai ci Leske ucenicii, von ankliste ande lenge ciunuria, ai gele ando Capernaum te roden Les.

25. Kana o norodo arakhle O Isus pe kolaver rig la mareako, von phende Leske: "Gazda, kana avilian Tu kathe?"

26. O Isus phendia lenge: "Ciacimasa, ciacimasa, phenav tumege: roden Ma, ke halian o manrho ai chaililian, ai na ke dikhlian le minunia.

27. Na keren buchi le habeneski kai rimolpe, numa keren buchi le habeneski kai beșel but vriamia ai kai kerel te avel o traio kai ci mai getolpe, ai ke O Șav le Manușesko dela tumenghe; ke O Del, O Dad, thodia pe Leste o semno Leska putierako!"

28. Atunci von phende Leske: "So trobul te keras, te keras e buchi maladi angla Del?"

29. O Isus phendia lenge: "Kadia si e buchi le Devleski, te pachian tume ande Kodo kai Vo tradia!"

30. Phen Leske: "Ce semno la putierako sikaves Tu, kaște te dikhas, vai pachias ame ande Tute? So keres Tu?

31. Amare dada hale o manrho ande pustia; sar si ramome: “Vo dia le

manrho anda cieri te han."

32. O Isus phenel lenge: "Ciacimasa, ciacimasa, phenav tumenge, O Moise ci dia tume o manrho anda cieri; numa Murho Dad del tumen o ciacio manrho anda cieri.

33. Ke o manrho kai del O Del, kodo si kai hulel anda rhaio, ai del traio la lumiako!"

34. Von phenen Leske: "Gazda, de ame kodo manrho sagda."

35. O Isus phendia lenge: "Me sim o manrho le traiosko; kodo kai avela Mande șohar ci avela bokhalo; kodo kai pachial ande Mande șohar ci avela trușalo!

36. Numa phendem tumenge, tume dikhlian Ma numa ci pachian Ma.

37. So godi Murho Dad del Ma avela Mande. Ai kodales kai avela Mande șohar ci dava avri.

38. Ke Me hulistem anda rhaio, te kerav e voia Kodoleski kai tradia Ma, ai na Murhi voia.

39. Ai kadia si e voia le Dadeski kai tradia Ma; te na hasarav ci iek anda kodola kai dia Ma, numa te vushtiavav le savorhen ka traio ka mai paluno dies!

40. Ai kadia si Leski voia, ke kon godi dikhela le Șaves ai pachialape ande Leste, avela les o traio kai ci mai getolpe; ai Me vushtiavava le ka traio ka paluno dies!”

41. Le jidovuria line holi po Isus, ke phendia lenge: "Me sim o manrho kai hulisto anda rhaio."

42. Ai von phende: "Nai Vo O Isus, o șav le Iosifesko, ai janas Leske dades ai Leska da? Sar sai mothol ke hulisto anda rhaio?"

43. O Isus phendia lenge: "Na holiavon mașkar tumende.

44. Khonik naștil te avel Mande, te na avela O Dad kai tradia Ma te țîrdel les Mande; ai Me vuștiavava les anda merimos ka traio le rhaiosko ka paluno dies.

45. Le profeturia ramosarde: ‘Savorhe avena sicharde katar O Del.’ Savo godi manuș așunela le Dades ai lelape pala Lesko sichiarimos avela Mande.

46. Khonik ci dikhlia le Dades; Kodo kai avilo katar O Del, si Kodo kai dikhlia le Dades.

47. Ciacimasa, ciacimasa, phenav tumenge: kodo kai pachialpe ande Mande avela les o traio kai ci mai getolpe.

48. Me sim o manrho le traiosko!

49. Tumare dada hale o manrho ande pustia, numa mule.

50. Numa o manrho kai hulel anda rhaio kadia lo ke savo kai hala les ci

merela.

51. Me sim o manrho o juvindo kai hulisto anda rhaio. Te si vari kon kai hala anda kadia manrho, traiila sagda. Ai o manrho kai dava si murho stato, ai dava les te avel o traio la lumiako!"

52. Pe kadia le jidovuria denas pe duma mașkar pende, phenenas: "Sar sai Vo del amen pesko stato te ha?"

53. O Isus phendia lenge: "Ciacimasa, ciacimasa, phenav tumenghe, te na hana o stato katar O Șav le Manușesko, ai te na pena Lesko rat, ci avela tumen o traio ande tumende!

54. Savo kai hala Murho stato, ai pela Murho rat avela les o traio le rhaiosko, ai vuștiavava les ka traio le rhaiosko o paluno dies.

55. Ke Murho stato si ciacio pravarimos, ai Murho rat si ciacio pimos.

56. Savo kai hal Murho stato ai pel Murho rat traiil ande Mande ai Me traiiv ande leste.

57. O Dad kai tradia Ma juvindo lo, ai traiiv anda leste sakadia, kodo kai hal Murho stato traiila anda Mande.

58. Kado si o manrho kai hulisto anda rhaio; nai sar tumare phurane dada kai hale o manrho ande pustia, ai mule. Kon hala kado manrho traiila sa data!”

59. O Isus phendia kadala vorbi kana sicharelas ande sinagoga ando Capernaum.

60. But anda peske ucenicii, kana așunde kadia, phende: "Kadala vorbi si trutno. Kon sai așunel le?"

61. O Isus haliardia ande Peste ke Leske ucenicii denas pe duma mașkar pende pa kado divano, anda kodia phendia lenge: "Dukhavel tumen so așundian?"

62. So keren tume kana dikhena ke O Șav le Manușesko anklel kothe kai sas mai anglal?

63. Le Devlesko Duho del o traio, o stato ci mol kanci. Le vorbi kai phendem tumenghe, von si duho ai traio.

64. Numa si mașkar tumende unii kai ci pachian." Ke O Isus janglia de mai anglal kon si kodola kai ci pachianpe, ai kon si kodo kai purhila Les.

65. Vo phendia: "Sostar phendem tumenghe, ke khonik naștil te avel Mande te na țîrdela les O Del Mande."

66. Ai de katar kodia vriamia but anda Leske ucenicii gheletar, ai ci mai janas Lesa.

67. Ai O Isus phendia le deșu dui ucenicii: "Ai tume, ci mangen vi tume te jantar?"

68. Ai O Simon Petru phendia Leske: "Devla, kaste te jasas ame? Si Tu le vorbi kai den o traio le rhaiosko!

69. Ai akana pachias ai janas kai Tu san O Hristos, O Sfînto Șav le Devlesko!”

70. O Isus phendia lenge: "Pate ci alosardem tumen Me, le deșu duien? Ai iek anda tumende si iek beng!"

71. Vo delas duma pa Iuda Iskarioto o șav le Simonosko. Ke vo sas kai trobulas te purhil Les, iek andal deșu dui.

  Ioan 7

1.  Pala kodia O Isus phiradia ande Galilea; ke ci manghel te phirel ande Iudea, ke le jidovuria rodenas te mudaren Les.

2.  Ai o dies o baro le jidovongo le Korturilenga pașolas.

3.  Leske phral phende Leske: "Jatar kathe, ai ja ando Iudea, kaște Chio ucenicii te sai dikhen le minunii kai Tu keres.

4.  Khonik ci garavel so kerel te manghel te sikadiol. Te keres kadalendar dieli, sikav Tu ka sa la lumiake!"

5.  Ke ci Leske ciace phral ci pachianaspe ande Leste.

6.  O Isus phendia lenghe: "Murhi vremia ci avili înker; numa tumari vriamia sagda gata la.

7.  E lumia naști grețol tumen, numa grețol Man, ke phenav pa late, ke laki buchi so kerel si nasul.

8.  Jantar tume ka dies o baro le jidovongo, Me ci jav ka kado dies o baro le jidovongo înker, ke Murhi vriamia ci avili inker!”

9.  Vo phendia lenghe kadala vorbi ai beșlo ando Galilea.

10. Kana Leske phral ghele ka dies o baro le jidovongo, atunci O Isus gelo, vi Vo numa na angle norodo, numa sar ciordanes.

11. Le jidovuria rodenas Les ka o dies o baro le jidovongo ai phende: "Kai lo?"

12. But manuș denas duma pala Leste ando norodo. Unii phende: "Vo si iek manuș o lașo." Aver phenenas: "Nici, Vo ațavel le manușen."

13. Numa khonik ci delas duma pa Leste angla manuș, ke daranas katar le jidovuria.

14. Karing mașkar o dies o baro le jidovongo, O Isus ghelo ande Templo, ai sicharelas.

15. Le jidovuria ciudinaspe, ai phenenas: "Sar Vo janel kadia but kana șohar ci sichilo."

16. O Isus phenel lenghe: "O sicharimos kai dav nai Murho, numa avel katar O Del kai tradia Ma.

17. Te vari kon te kerel so manghel O Del, janela ke so sicharav avel katar O Del, vai te dava duma anda Mande.

18. Kon del duma pestar rodel pesko barimos; numa kodo kai rodel o

barimos Kodolesko kai tradia Les, kodo si ciacio, ai nai hohaimos ande leste.

19. O Moise dia tume o zakono? Numa khonik anda tumende ci keren o zakono. Sostar roden tume te mudaren Ma?"

20. Le manuș phende Leske: "Tut si tu iek beng ande tute! Kon rodel te mudarel Tu?"

21. O Isus phenel lenghe: "Kerdem iek diela, ai savorhe ciudisailian.

22. Ke o Moise dia tumen o zakono te șinen pe murșen (na ke avel katar o Moise, numa katar tumare phure), ai tume șinen ieke manușes po dies O Sabato.

23. Te sai șinen ieke manușes po dies O Sabato, te phaghen o zakono le Moisesosko, sostar holiavon pe Mande, ke sastiardem ieke manușes sa întrego po dies O Sabato?

24. Aterdion te keren kris pala so dikhen avrial po manuș, aven vorta ai ciace ande tumare kris kana keren la."

25. Unii manuș anda o Ierusalim phende: "Pate nai Kado o manuș kai rodas te mudaras les?

26. Dikh! Del duma angla savorhenghe, ai khonik ci phenel Leske kanci! Amborim ke le bare kai poroncin janen ke Vo si O Hristos?

27. Numa kana O Hristos avela, khonik ci janela katar avel, numa ame janas katar avel Kado manuș."

28. Sar O Isus sicharelas ande Templo, țipisardia: "Tume janen Ma, ai janen katar sim; ai Me ci avilem anda Mande, numa Kodo kai tradia Ma, Vo si ciacio, ai tume ci janen Les.

29. Numa Me janav Les; ke avav Lestar, ai Vo tradia Ma!"

30. Atunci rodenas sar te len Les; numa khonik ci thode o vas pe Leste, ke Lesko ciaso ci avilo înker.

31. Numa but mașkar o norodo pachianaspe ande Leste, ai phende: "Kana O Hristos avela, sai kerela mai but minunii sar kerdia Kado?"

32. Le fariseii așunde ke o norodo mothon kodala dieli pa Isus; ai le fariseii ai le bare rașia trade penghe jandarii te len Les.

33. O Isus phendia lenghe: "Me beșav tumența mai hanți vremia, ai porme javtar karing Kodo kai tradia Ma.

34. Tume rodena Ma, numa ci arakhena Ma, ke naști avena kai Me java!"

35. Le jidovuria phenen mașkar pende: "Kai Vo jala kai ci arakhasa Les? Jala karing le foruria kai si ande Greția, ai sicharel le Grekone?

36. So si kadala vorbi kai phendia: ‘Tume rodena Ma, numa ci arakhena Ma, ke naști aven kaije java.’ So znachil?”

37. O paluno dies o baro le jidovongo sas o mai baro, ai O Isus beșelas ande

punrhende ai țipisardia, phenelas: "Te si vari kon trușalo, mek te avel Mande, ai pel.

38. Kon pachialape ande Mande, sar E Vorba le Devleski phenel, pai juvindo hulela anda lesko ilo!"

39. O Isus phendia pa Sfînto Duho, kodala kai pachianpe ande Leste premina; ke O Sfînto Duho nai dino înker, ke O Isus nas vazdino ando rhaio înker.

40. Kana but le manușeske așunde Leske vorbi, phenenas: "Ciaces, Kado manuș si o Profeto!"

41. Aver phende: "Vo si O Hristos!" Numa aver phende: "Pate, sai Hristos avel andai Galilea?

42. Pate o ramomos ci phendia ke O Hristos si te avel ande vița le Davidoski, ai anda foro kai bușol Betleem, kai beșlo o David?"

43. Anda kodia chi haliarenas mașkar pende iek fialo pala Isus.

44. Unii manghenas te len Les, numa khonik ci thode o vas pe Leste.

45. Le jandarii ghele palpale ka le bare rașa ai le Fariseii; ai phende lenghe: "Sostar tume ci andian Les?"

46. Le jandarii phende lenghe: "Ci iek manuș ci dia duma sar Kado manuș!"

47. Le Fariseii phușle len: "Vi tume ațardian pala Leste?

48. Pate si vari kon andal le bare kai poronchin, vai iek andal Fariseii kai pachianpe ande Leste?

49. Numa kodo norodo kai ci janen o zakono o Moisesko, si armandine."

50. O Nicodim sas iek baro mașkar lende; vo ghelosas mai anglal te dikhel O Isus, phendia lenghe:

51.  "Amaro zakono ci kerel kris po manuș mai anglal sar te așunas les, ai te janas so kerdia."

52. Von phende leske: "Vi tu san anda Galilea? Sichos o ramomos le Devlesko ai dikhesa, ke ci iek profeto avel anda Galilea.”

53. Atunci svako ghelo peske khere.

  Ioan 8

1.  O Isus ghelo po Plai le Maslinengo.

2.  De diminiațî pale avilo ande Templo, ai sa le manuș pașile pașa Leste, ai Vo beșlo tele, ai sichardia len.

3.  Ai le cărturaria ai le fariseii andine Leste iek juvli kai line sar kerelas kurvia; ai thode la angla le manușen.

4.  Phende Leske: "Gazda, kadia juvli liam la sar kerelas kurvia.

5.  Ando amaro zakono, o Moise dia ame ordina te mudaras bahensa kadalatar juvli. Numa so phenes Tu?"

6.  Von phende kadia te zumaven Les, kaște te astaren Les andek doș. Numa O Isus bandilo, ai ramolas le naiesa pe phuv, sar ci așundia len.

7.  Sar mai manghenas te pușen Les, uștilo opre, ai phenel lenghe: "Savo anda tumende kai ci kerdia șohar bezăh, vo sai șudel o pervo bah pe late!”

8.  Ai pale bandilo, ai ramolas pe phuv.

9.  Kana așunde so phendia, iek po iek gheletar, de katar o mai phuro ai ji kai savorhe gheletar; ai O Isus așilo korkorho la juvliasa kai beșelas angla Leste.

10. Kana O Isus uștilo, ai ci dikhlia khonik numa e juvli, Vo phendia lake: "Juvlio, kai chio kristatoria kai doșarenas tu? Ci iek ci dia tu kris?"

11. Voi phendia Leske: "Ci iek, Gazda!" ai O Isus phenel lake: "Ci Me ci dav tu pe kris! Ja, ai na mai ker bezehă!"

12. O Isus mai phendia lenghe, ai phenelas: "Me sim e lumina la lumiaki. Kodo kai lelape pala Mande avela les e lumina le traioski ai ci phirela șohar ando tuniariko!"

13. Le fariseii phende Leske: "Akana Tu keres tu marturo anda Tute; so phenes nai vorta."

14. O Isus phendia lenghe: "Măkar ke Me dav duma pa Mande, so phenav si ciacimos, ke Me janav katar avilem, ai kai jav! Numa tume ci janen katar avav ai kai jav!

15. Tumare kris si manușeske; Me ci kerav kris pe khanikaste!

16. Ai te dava kris, Murhi kris si ciacila, ke ci sim korkorho, numa O Dad tradia Ma, Mansa lo!

17. Ai ramome ande tumaro zakono, ke kana dui jene phenen iek fielo, so phenen si ciacimos!

18. Me phenav pa Mande, ai vi O Dad kai tradia Ma phenel pa Mande!"

19.  "Kai chio Dad?" phușen Les. O Isus phendia lenghe: "Tume ci janen Man vai Murhe Dades. Te janenas Man, tume janglianas vi Murhe Dades!"

20. O Isus phendia sa kodala vorbi, kana sichardia ande Templo, po than kai thon le love. Ai khonik ci thode vas pe Leste, ke Lesko ceaso ci avilosas înker.

21. O Isus mai phendia lenge: "Javtar, ai tume roden Man, numa tume merena ande tumare bezehă; tume naștin te aven kai Me jav!"

22. Le jidovuria phende: "Jala vo te mudarelpe? Ke phenel: "Ke naști aven kai Me jav!"

23. Ai O Isus phendia lenghe: "Tume avilian kathar telal, ai Me avilem kathar opral. Tume san kadala lumiake; numa Me ci sim andai kadia lumia.

24. Sa anda kodia phendem tumenge, ke merena ande tumare bezehă. Ai

tume merena ande tumare bezehă te na pachiana tume. 'Kon sim Me!'"

25. Phendia Leske: "Kon san Tu?" Ai O Isus phendia lenghe: "Sar phendem tumenghe ando gor.

26. But dieli si Ma te phenav pa tumende, ai te kerav kris pa tumende. Numa Kodo kai tradia Ma si ciacio, ai phenav la lumiake ferdi so așundem Lestar!"

27. Von ci haliarde ke delas duma pa Dad.

28. Atunci O Isus phendia lenghe: "Kana vazden le Șaves le Manușesko, atunci janena "Kon sim me!" ai ke ci kerav kanci Mandar, numa dav duma ferdi so O Dad sichardia Ma.

29. Ai Kodo kai tradia Ma Mansa lo, ai O Dad ci meklia Ma korkorho; ke Me kerav so godi si Leske drago.”

30. Sar dia duma kadala vorbi but pachiaipe ande Leste.

31. Atunci O Isus phendia le jidovongo kai pachiaipe ande Leste: "Te kerena so godi phenel Murhi vorba, tume san ciace Murhe ucenicii!

32. Ai tume janena o ciacimos, ai o ciacimos skăpisarela tumen!"

33. Von phende Leske: "Ame sam anda e vița le Avraamoski, ai ame ci samas șohar sluji. Sar phenes Tu: "Tume skăpime?"

34. O Isus phendia lenghe: "Phenav tumenghe o ciacimos, svako manuș kai kerel o bezăh si iek sluga le bezehăski.

35. Ai e sluga ci beșel ando kher sagda, numa o Șav beșel kothe sa data.

36. Te skepil tu O Șav, atunci ciaces avena skăpime!

37.  Janav ke tume aven anda e vița katar o Avraam; numa tume roden te mudaren Man, ke Murhi vorba nai ande tumare ile.

38. Me phenav so sikadia manghe Murho Dad; ai tume keren so phendia tumenghe tumaro dad."

39. Von phenen Leske: "Amaro dad si o Avraam." O Isus phendia lenghe: "Te avilianas ciaces șave le Avraamoske, tume kerdianas sa kodola buchia kai kerdia o Avraam.

40. Numa akana roden te mudaren Ma, iek manuș kai phendia tumenghe o ciacimos, kai așundem katar O Del. O Avraam ci kerdia saikfialo!

41. Tume keren sar kerdia tumaro dad." Von phende Leske: "Ci sam ame șave avereske anda kurvia, si ame ferdi iek Dad, O Del."

42. O Isus phendia lenghe: "Te avilino ciaces O Del tumaro Dad, tumenghe drago manghe, ke avilem katar O Del ai akana kathe sim, ci avilem anda Mande, numa Vo tradia Man!

43. Sostar ci haliaren so Me phenav tumenghe? Ke naștin te așunen so phenel Murhi vorba.

44. Tume san șave chio dadesko o beng, ai manghen te keren so manghel

tumaro dad. Vo sas iek mudardari de ando anglal, ai ci beșlo șohar ando ciacimos ke nai ciacimos ande leste. Kana vo del duma iek hohaimos, vo del duma peske șavenge, ke vo si hohamno, ai o dad le hohaimasko.

45. Ai ke phenav tumenghe o ciacimos, ci pachian Man. Kon anda tumende sai phenel ke kerdem bezăh?

46. Te phenav o ciacimos, sostar tume ci pachian Man?

47. Kon si le Devlesko așunel le vorbi le Devleske. Numa tume ci san le Devleske șave, anda kodia tume ci așunen!"

48. Le jidovuria phende Leske, phenenas: "Ci phenas vorta kana phendiam ke Tu san iek samaritano, ai si Tu iek beng ande Tute?"

49. "Nai ma beng," O Isus mai phendia: "Numa luvudiv Murhe Dades, ai tume ci luvudin Man.

50. Me ci rodav luvudimos Manghe, numa si Iek kai rodel les ai krisinil.

51. Ciaces, ciaces, phenav tumenghe, savo kai kerela so phenel Murhi vorba, ci dikhela o merimos!"

52. Le jidovuria phende Leske: "Akana ame janas ke si Tu iek beng ande Tute. O Avraam mulo, ai le profeturia mule, ai Tu phenes:“Savo kai kerel so phenel Murhi vorba, ci dikhela o merimos!”

53. Amaro dad o Avraam mulo; sai aves Tu mai baro sar o Avraam? Ai le profeturia vi von mule. Kon gîndis ke Tu san?"

54. O Isus phendia: "Te luvudiv Man, Murho luvudimos nai kanci; si Murho Dad kai luvudil Man, tume phenen ke si tumaro Del,

55. ai tume ci janen Les, numa Me janav Les. Te phendemas ke ci janav Les, avilemas iek fialo sar tumende, iek hohamno. Numa janav Les, ai kerav so phenel Leske vorba.

56. Tumaro dad o Avraam raduisailo mai anglal te dikhel Murho dies; ai vo dikhlia les, raduisailo!"

57. Le jidovuria phende Leske: "Ci san Tu panvardeș berșengo înker, ai phenes ke dikhlian le Avraamos?"

58. O Isus phendia lenghe:"Ciaces, ciaces, phenav tumenghe ke mai anglal sar te arakhadilo o Avraam, Me simas!"

59. Pe kodia line bah te șuden pe Leste, numa O Isus garadilo ai anklisto avri anda e Templo.

  Ioan 9

1.  Sar O Isus nakhelas, Vo dikhlia iekes manuș kai arakhadilo korho.

2.  Leske ucenicii phușle Les: "Gazda, sostar arakhadiol korho? Kon kerdia bezehă, kado manuș vai leske dades vai leska da?”

3.  O Isus phendia lenghe: "Nai vo ai ci leske dades ai ci leska da kai kerde bezehă, numa vo si korho kaște te dichiol e putieria le Devleski pe leste.

4.  Trobul te kerav e buchi Kodaleske kai tradia Man ji kai o dies; e riat avela, kana khonik naști kerela buchi.

5.  Ji kai sim ande e lumia, Me sim e lumina la lumiaki!"

6.  Kana phendia kadala vorbi, O Isus ciungardia tele pe phuv, ai kerdia chik peske ciungaresa; porme thodia kodia chik pel iakha le korheske,

7.  ai phendia leske: "Ja, te halav tu ando pai kai bușol Siloam." (anav kai bușol, ‘Tradino’). O korho manuș gelo, ai haladiape, ai avilo palpale ai dikhelas.

8.  Le manuș kai sas pașa leste ai kodola kai janenas les sar iek korhovețo, phenenas: "Nai kado kai beșelas tele ai kai manghelas?"

9.  Unii phenen: "Vo si," numa aver phenenas: "Vo miazolpe leste." Numa vo phendia: "Me sim!"

10. Von phenen leske: "Sarta chire iakha phuterdile?"

11. Vo phendia lenghe: "O manuș kai akharen les O Isus kerdia chira chik, ai thodia la pe murhe iakha, ai phendia manghe: ‘Ja ka pai kai bușolas Siloam, ai halav tu!’ Ai ghelem, ai haladem ma, ai dikhlem!

12. Atunci phende leske: "Kai Kodo manuș?" Vo phendia: "Ci janav."

13.  Îngerde karing le Fariseii kodales kai sas korho.

14. Kana O Isus kerdia e chik ai phuterdia leske iakha sas o dies Sabato.

15. Sa anda kodia le Fariseii phușle le korhes: "Sar premisardian chio dikhimos?" Ai vo phendia lenghe: "Thodia chik pe murhe iakha, haladem ma, ai akana dikhav."

16. Unii andal le Farisei phende: "Kado manuș ci avel katar O Del, ke ci kerel o zakono kai si Sabato." Aver phenen: "Sar iek manuș bezehă lo sai kerel kasave minunia?" Anda kodia chi haliarenas mașkar pende iek fialo.

17. Mai iek data le fariseii phușen le korhes kai sastilo: "So phenes tu pa Leste, kai phuterdia chire iakha?" Vo phendia lenghe: "Vo si iek profeto!"

18. Le jidovuria ci pachianaspe ke vo sas korho, ai ke akana dikhel, ji kai andine leske dades ai leska da.

19. Ai phușle lendar, phenen: "Kako si tumaro șav, kai phenen ke arakhadilo korho? Sar vo dikhel akana?"

20. Leske dad ai dei phende: "Ame janas ke si amaro șav, ai janas ke arakhadilo korho.

21. Numa ci janas so sai dikhel akana, ai ci janas kon phuterdia leske iakha. Phușen lestar, si peske berșengo, vo sai del atveto."

22. Lesko dad ai dei denas duma kadia ke daranas katar le jidovuria; ke le jidovuria dinepe duma mașkar pende, ke te mothona avri kon ke O Isus si O Hristos, den les avri anda e Templo.

23. Sa anda kodia leske dad ai dei phende: "Si peske berșengo, phușen lestar!"

24. Le Fariseii akharen pe duito data le manușes kai sas korho, ai phende leske: "Phen o ciacimos angla Del! Ame janas ke Kodo manuș si bezehalo."

25. Vo phendia lenghe: "Me ci janav te si iek bezehalo vai nai, numa janav iek diela, ke simas korho, ai akana dikhav!"

26. Ai mai phușle les: "So kerdia tuke? Sar kerdia te phutrel che iakha?"

27. Phendia lenghe: "Phendem tumenghe iek data, ai ci așundian mande. Sostar mai manghen te așunen? Vi tume manghen te aven Leske ucenicii?"

28. Akușle les, ai phende leske: "Tu san Leske ucenico; ame sam le ucenicii le Moiseske.

29. Ame janas ke O Del dia duma le Moisesa; numa Kado, ci janas katar lo!"

30. O manuș phendia lenghe: "Șodo diela si! Ke ci janen katar lo, numa Vo phuterdia murhe iakha!

31. Ame janas ke O Del ci așunel le bezehalen; numa așunel le manușes kai chetil Les ai kerel Leski voia!

32. De anda anglal la lumiake șohar ci așundian ke vari kon phuterdia le iakha le korheske kana arakhadilo korho.

33. Kodo manuș te na avilino katar O Del, naști sardino te kerel kanci!"

34. Ai von phende leske: "Tu arakhadilian întrego ando bezăh, ai manghes te sichares amen?" Ai dine les avri anda Templo.

35. O Isus așundia ke dine les avri, ai kana arakhlia les, phendia leske: "Pachias tu ando Șav le Manușesko?"

36. Vo phendia ka Isus: "Phen manghe, savo si, Gazda? Kaste te sai pachiav ma ande Leste!"

37. O Isus phendia leske: "Dikhes Les, Vo si kai del duma tusa akana!"

38. Phendia Leske: "Gazda, pachiav ma!" ai dia chianga angla Leste.

39. Porme O Isus phendia: "Avilem ande kadia lumia te kerav e kris, kaste le korhe te sai dikhen, ai kodala kai dikhen te aven korhe!”

40. Unii andal Farisei kai sas Lesa, așunde kodala vorbi, ai phende Leske: "Vi ame, sam korhe?"

41. O Isus phendia lenghe: "Te avilianas korhe, nas te aven doșale; numa akana tume phenen: ‘Ame dikhas’, sa anda kodia tumare bezehă așen!”

  Ioan 10

1.  "Ciaces, ciaces, phenav tumenge, kodo kai ci del pa vudar ande țarko le bakriangi, numa kai anklel pa kaver rig, si iek cior ai nasul manuș.

2.  Numa kodo kai avel pa vudar si o păstoro le bakriango.

3.  Phutren o vudar angla leste, ai le bakria așunen lesko glaso, ai akharel leske bakrorhen pa anaveste, ai îngherel le avri.

4.  Kana ankaladia avri sa peske bakrorhan, phirel angla lende, ai le bakriorha jan pala leste, ke prinjaren lesko glaso.

5.  Ci jana pala iek străino, numa nașena dur lestar, ke ci prinjarena o glaso le străinosko."

6.  O Isus phendia lenghe kadia paramici, numa ci haliarde pa soste delas duma.

7.  O Isus mai phendia lenghe: "Ciaces, ciaces, phenav tumenghe, Me sim o vudar le bakriango!

8.  Sa le kaver kai avile mai anglal Mandar si cior ai nasul manuș, numa le bakrorha ci așunde lenghe.

9.  Me sim o vudar! Te șolape varekon pa Mande avela skăpime; jal andre, ai jal avri ai arakhela ciar lași!

10. O cior ci avel numa te ciorel, te mudarel, ai te pharhavel. Me avilem te avel le bakrorha o traio, ai te avel len but traio ando miștimos!

11. Me sim o lașo Păstoro. O lașo păstoro del pesko traio pala peske bakriorha.

12. O buchari (o manuș pocindo) kai nai o păstoro, ai nai leske le bakriorha, nașel kana dikhel ke avel o ruv, ai o ruv lel len ai răsipil len.

13. Vo nașel ke si o buchari kai si pocindo, ai ci lel sama andal bakriorha.

14. Me sim o lașo Păstoro! Me janav Murhe bakrorhan, ai von janen Man!

15. Sar O Dad janel Man, ai Me janav le Dades! Me janav Murhe bakriorhan ai von janen Man; ai Me dav Murho traio pala Murhe bakriorha!

16. Mai si ma aver bakriorha, kai nai ande kadia țarko; trobul te anav vi len, te phiravav len te așunen Murho glaso; ai avena iek cioporo bakriorha, ai iek păstorosa!

17. O Dad drago Manghe ke Me dav Murho traio, te lav les aver data palpale!

18. Khonik ci lel Murho traio Mandar, numa dav les Me Mandar! Si Ma e puteria te dav les, ai si Ma e puteria te lav les palpale! Kadia si o zakono kai dia Ma O Dad!"

19. Anda kodia le jidovuria ci haliarenas mașkar pende pala kadala vorbi, ke ci pachian iek fielo.

20. But anda lende phenenas: “Si le iek beng ande Leste! Dhilo lo! Sostar așunen Leste?"

21. Numa aver phenenas: "Iek manuș kai si les beng ande leste naști del duma kadia! Sar sai iek beng phutrel le iakha le korhenghe?"

22. E vriamia avili te keren Hanukah, o dies o baro le jidovongo ande

Ierusalim; sas ivend.

23. Ai O Isus phiravelaspe ande Templo ando koridori le Solomonosko.

24. Le jidovuria thodepe kolo Lestar, ai phende Leske: "Sode vriamia ji kana Tu manghes amen te janas? Phenes amenghe o ciacimos, san Tu O Hristos?"

25. O Isus phendia lenghe: "Mai phendem tumenghe, numa ci pachian Ma. Le buchia kai kerav ando o Anav Murho Dadesko, sikaven pa Mande!

26. Numa tume ci pachian, ke tume ci san anda Murhe bakria, sar phendem tumenghe.

27. Murhe bakria așunen Murho glaso, ai Me janav le, ai aven pala Mande!

28. Ai dav le o traio le rhaiosko; ai ci hasavona șohar, ai khonik ci lena le anda Murho vas!

29. Murho Dad kai dia le Manghe, Vo si mai baro lo savorhendar; ai khonik naști lel le anda vas Murhe Dadesko!

30. Me ai O Dad sam iek!”

31. Atunci le jidovuria mai line bah te șuden pe Leste.

32. O Isus phendia lenghe: "Sikadem tumenșe but lashe buchia kai avile katar Murho Dad; anda savi buchi tume manghen te șuden bah pe Mande?"

33. Le jidovuria phenenas: "Nai anda iek lași buchi ke mangas te șudas bah pe Tute, numa ke rimos le Devles, ai Tu san iek manuș ai keres anda Tute Del!"

34. O Isus phendia lenghe: "Si ramome ande tumaro zakono: ‘Me phendem’: 'Tume san dela?'

35. Ai ame janas ke e vorba le Devleski si ciaci sa data ai naștil te thol la rigate; ai O Del akhardia le dela, kodolenghe kai O Del dia peske vorba.

36. Ai Man, O Dad alosardia Ma ai tradia Ma ande lumia! Sar, atunci, sai phenen: ‘Tu tromas te les o than le Devlesko’, ke phendem: "Me sim O Șav le Devlesko? “

37. Ci pachian Ma, atunci, te na kerava le buchia Murhe Dadeske.

38. Numa te kerava le, măkar tume ci pachian Ma, pachian Ma pala Murhe buchia kai kerav, kaste te sai janen, ai pachian, ke O Dad si ande Mande, ai Me sim ando Dad!"

39. Pe kadia mai zumade te len Les; numa skăpisailo anda lenghe vas.

40. O Isus mai gelo închial o Iordan kothe kai o Ioano mai anglal ambolelas, ai beșlo kothe.

41. But jene avile Leste ai phende: "O Ioano ci kerdia ci iek minunea, numa so godi o Ioano phendia pa Kado manuș sas ciacio!"

42. Ai but pachiaipe ande Leste kothe.

   

  Ioan 11

1.  Ek manuș kai bușolas Lazăr nasvalosas. Beșlo ande foro kai bușolas Betania leske pheiasa, e Maria ai e Marta.

2.  Kodia Maria sas kai thodia pel punrhe le Devleske e duhi, ai koslia Leske punrhe peske balensa, ai lako phral o Lazăr nasvalo sas.

3.  Le dui pheia trade ieke manușes te phenen kă Isus: "Devla, kodo kai si Tuke drago si nasvalo."

4.  Kana O Isus așundia kodia, phendia: "Kodo nasvalimos le Lazărosko nai merimasko, numa te anel o luvudimos ka Del, ai vi O Șav le Devlesko avela luvudime!"

5.  O Isus drago sas Leske e Marta, ai laki phei e Maria, ai o Lazăr.

6.  Kana O Isus așundia ke o Lazăr nasvalo sas, mai beșlo dui dies ando than kai sas.

7.  Pala kodia phendia Peske ucenicii: "Aven palpale ande Iudea."

8.  Leske ucenicii phende Leske: "Gazda, de hanți vremia palpale le jidovuria manghenas te șuden bah pe Tute, ai Tu manghes te jas palpale kothe?"

9.  O Isus phendia lenghe: "Nai deșu dui ciasuria ando iek dies? Te si vari kon kai phirel adiese, ci perel, ke dikhel e lumina la lumiaki.

10. Numa te si vari kon kai phirela e riate, perel, ke nai les lumina ande leste.”

11. Pala kodola vorbi, phendia lenghe: "O Lazăr, amaro vortako sovel; numa jav te vuștiavav les."

12. Atunci Leske ucenicii phende: "Gazda, te sovela, sastiola."

13. Numa O Isus dia duma pa lesko merimos; numa von gîndinas ke Vo dia duma pa sovimos sar kana sovel.

14. Atunci, O Isus phendia lenghe: "O Lazăr mulo.

15. Ai pala tumende raduime sim ke ci simas lesa, ke kadia si te pachian tume; aven leste akana!"

16. O Toma phendia, kai sas akhardo Geamăno (Didimus), phendia le avre ucenicii: "Aven vi ame te meras Lesa!"

17. Kana O Isus areslo, așundia ke o Lazăr sas de ștar dies ando grepoșevo.

18. Ai sar o Betania nai dur katar o Ierusalim, pașe 15 stadia (trin kilometuria).

19. But jidovuria avile te dikhen e Marta, ai Maria, ke nekăjime kai mulo lengo phral.

20. Kana e Marta așundia ke O Isus avelas, gheli karing Leste, numa e Maria beșli tele ando kher.

21. E Marta phendia ka Isus: "Gazda, te avilianas kathe, murho phral nas te avel mulo!

22. Numa vi akana janav, ke so godi manghes katar O Del, O Del del les Tuke!"

23. O Isus phendia lake: "Chio phral juvindila!"

24. E Marta phendia: "Janav ke vo juvindila kana savorhe vuștena paluno dies!”

25. O Isus phendia lake: "Me sim o Juvindimos ai o Traio! Kon pachialape ande Mande, traiila, măkar te merela!

26. Ai kon godi traiil ai pachialape ande Mande șohar ci merela! Pachias tu kadia?"

27. Voi phenel Leske: "E, Gazda, pachiav ma ke Tu san O Hristos, O Șav le Devlesko, kai trobulas te avel ande lumia!”

28. Kana phendia kadia, Marta ghelitar te akharel ciorial peskă pheia e Maria, phenelas: "O Gazda kathe lo ai akharel tu!"

29. Kana e Maria așundia kadala vorbi, strazo vuștili, ai gheli karing Leste.

30. Ke O Isus ci areslo sas ando gav înker, numa kothe sas kai e Marta arakhlia Les.

31.  Le jidovuria kai sas ando kher la Mariasa te pochin la, dikhle ke strazo vuștili ai gheli avri, ghele pala late, phenenas: "Voi jal ka grepoșevo te rovel!"

32. Kana e Maria aresli kai sas O Isus, ai dikhlia Les, peli ka Leske punrhe, ai phenel Leske: "Gazda, te avilianas kathe, murho phral nas te merel!"

33. O Isus dikhlia ke rovel, voi ai vi le jidovuria kai avile lasa, nekăjisailo ando Pesko duho, ai sas Leske mila.

34. Ai Vo phușlia len: "Kai groposardian les?" Von phende Leske: "Gazda, aidi ai dikh."

35. O Isus ruiia.

36. Pe kodia le jidovuria phende: "Dikhen sar sas leske drago!"

37. Ai unii anda lende phende: "Vo kai phuterdia le iakha le korheske, naști kerdia vi kado manuș te na merel?"

38. Mai iek data O Isus necăjisailo ande Peste, ai ghelo ka grepoșevo. Sas iek podruma, ai ek bah thodino anglal.

39. O Isus phendia lenghe: "Len o bah!" E Marta, e phei le muleski, phendia Leske: "Gazda, vunje khandel; ke de ștar dies kathe lo!"

40. O Isus phendia lake: "Ci phendem tuke, ke te pachiasa tu, dikhesa o barimos le Devlesko?"

41. Line o bah, ai O Isus vazdia le iakha opre, ai phendia: "Murho Dad, naisiv Tuke ke kerdian so mangav.

42. Me janav ke Tu așunes Ma sagda; numa dem duma pala o norodo kathe, kaste te pachianpe ke Tu tradian Ma!"

43. Kana phendia kodia, țipisardia ieke glaso zurales: "Lazăr, ankli avri!"

44. Ai o mulo anklisto, le vas ai le punrhe phangle andel le derzi, ai lesko mui phanglo pohtan parno. O Isus phendia lenghe: "Phutren les, ai meken les te jal!"

45. But andel le jidovuria avile karing e Maria ai dikhle so kerdia O Isus, ai pachiaiepe ande Leste.

46. Numa unii anda lende ghele kal le fariseii, ai phende lenghe so kerdia O Isus.

47. Atunci le fariseii ai le bare rașa chidinisaile andek than, ai phende: "So te keras? Ke Kado manuș kerel but minunia!

48. Te mekasa Les te kerel, savorhe pachianpe ande Leste, ai le Romanuria avena ai pharhaven amari Templo ai amaro them!"

49.  Iek anda lende, kai bușolas Caiafa, kai sas o baro rașai kodo berș, phendia lenghe: "Tume ci janen kanci!

50. Tume ci haliaren ke mai mișto tumenghe te avel iek manuș te merel pala sa o norodo, de sar pala sa o them te avela pharhado?"

51. Vo ci phendia kodia anda peste, numa sar sas o baro rașai kodo berș, profesisardia ke O Isus trobul te merel pala o them le jidovongo.

52. Ai na numa pala kado them, numa vi te chiden ande iek stato sa le șave le Devleske kai si pe svako rig.

53. De katar kodo dies, phenenas mașkar pende sar te mudaren Les.

54. Sa anda kodia O Isus ci mai phiravelas anglal le jidovuria, numa ghelotar karing iek rik kai si e pustia, ande iek gav kai bușolas Efraim, kai beșlo Peske ucenicii.

55. Ai O dies o baro le jidovongo (Paska) pașiol; ai but manuș andai them avenas ando o Ierusalem mai anglal sar o dies o baro Paska, te vujarenpe anda penghe bezeha.

56. Von rodenas le Isusos, kana chidenape ande Templo, ai phenenas iek kavreske: "So gîndin? Ci avela po dies o baro?"

57.  Le bare rașa ai le fariseii dine iek ordina: "Ke te si vari kon kai janena kai lo O Isus, trobul te phenel les, ke trobul te astarel Les."

  Ioan 12

1.  Șov dies mai anglal o dies Paska, O Isus areslo ande Betania, kai beșlo o Lazăr, kai O Isus juvindisardia les anda le mule.

2.  Kothe dine Les te han; e Marta podailas Les; numa Lazăr sas iek anda kodala kai sas Lesa ka e skafidi.

3.  E Maria lia dopaș litre pherdi duhi kai si kuci, thodia la pe le punrhe le Isusoske, ai voi koslia Leske punrhe peska balensa. Ai sa o kher pherdilo sunga katar e duhi.

4.  Iek anda Leske ucenicii, o Iuda Iscarioto – kodo kai trobul te purhil Les, phendia:

5.  "Sostar ci bichindian kadia duhi trin șela teliara, ai le love dine kal ciorhe?"

6.  Vo phendia kadia lenghe, na ke sas leske mila anda le ciorhe, numa ke sas cior, ai sas les o gono, ai lelas so sas andre ando gono.

7.  Numa O Isus phendia lenghe:"Mek la! Voi garadiasas kadia duhi pala e vremia kana groposarena Ma.

8.  Ke le ciorhe sagda avena tumența, numa Me ci avava tumența sagda."

9.  But norodo anda le jidovuria așunde ke O Isus sas ande Betania, ai avenas na ferdi pala O Isus, numa vi te dikhen o Lazăr, kai O Isus juvindisailo anda le mule.

10.  Le bare rașa dine pe duma te mudaren vi le Lazăros,

11. ke but jidovuria gheletar lendar pala leste, ai pachianaspe ando Isus.

12. Terharin but norodo avile ka o dies o baro le Paska, kana așunde ke O Isus jal ando Ierusalim.

13.  Line patria katar le krenji, ai ghele angla Leste, ai țipinas: "Hosana! Raduime O Împarato le Jidovongo kai avel ando anav le Devlesko!"

14. O Isus arakhlia iek măgarii ai beșlo pe leste, sar sas ramome:

15.  "Na dara, tu foro anda Sion! Dikh! Chio Împarato avel, beșel pe iek terno măgarii!"

16.  Leske ucenicii ci haliarde mai anglal kadala dieli; numa kana O Isus lia pesko barimos, denas pe goji ke sas ramome pa Leste, ai kerdilo sa so trobul te kerdiol.

17. Sa kodala kai sas Lesa kana akhardia o Lazăr anda o grepoșevo, ai vuștiardia les anda le mule, phende so dikhle ai so kerdia.

18. Ai o norodo avel angla Leste, ke așunde ke kerdia kodo minunea.

19.  Le fariseii phenenas iek kavreske: "Tume dikhen, ke ci nirin kanci!

Dikh! Sa e lumia gheli pala Leste!"

20. Unii grekuria anda kodala kai ghele ando Ierusalim te rhugin po dies o baro le jidovongo,

21. von avile ka Filip, vo sas anda Betsaida ande Galilea, ai phende: "Raia, ame mangas te dikhas O Isus!"

22. O Filip ghelo ai phendia o Andrei, atunci o Andrei ai o Filip ghele ai phende ka O Isus.

23. O Isus phendia lenghe: "O ciaso avilo kai O Șav le Manușesko trobul te luvudinles.

24. Ciaces, ciaces phenav tumenge, te na merela e sămînța kai peli ande e phuv așel korkorho; numa te merela, dela but fruti.

25. Savo kai si leske drago kado traio hasarela les; ai kodo kai grețol kado traio ande kadia lumia garavel les te jal ando traio le rhaiosko.

26. Te si vari kon kai podail Ma, mek te lelpe pala Mande; ai kothe kai avava Me, kothe avela vi Murhi sluga; kodo kai podaila Ma, Murho Dad luvudila les.

27. Akana Murho duho si buntuime. Ai so sai phenav? ‘Murho Dad, le Ma anda kado ciaso?’ Numa pala kodia avilem ji ka kado ciaso.

28.  "Murho Dad, luvudisar Chiro anav!" Ai iek glaso dia duma anda o rhaio, phenelas: "Bariardem Les, ai mai luvudiva Les!"

29. O norodo kai sas kothe, așunde o glaso, ai unii phenenas: "Iek rhonjito si!" Aver phenenas: "Iek îngero dia Lesa duma!"

30. Numa O Isus phendia lenghe:"Na ke pala Mande kado glaso așundilo, numa pala tumende.

31. Akana avili e kris la lumiaki; akana o beng kai si ande lumia avela șudino avri.

32. Ai Me, kana avava vazdino opre katar e phuv, țîrdava sa le manușen Mande!"

33. Sar del duma kadia, sikavelas lenghe sar si te merel.

34.  Le manuș phende Leske: "Așundian andai klișka le zakonoske ke O Hristos beșela sa data." Sar sai phenes: "O Șav le Manușesko trobul te avel vazdino? Kon si kodo Șav le Manușesko?"

35. O Isus phendia lenghe:"E lumina si tumența mai hanți vremia. Phiren ji kai si tumen e lumina, kaște te na avela o tuniariko pe tumende, ke kodo kai phirel ando tuniariko ci janel kai jal.

36.  Ji kai si tume e lumina, pachian tume ande lumina, kaște te aven șave la luminake." O Isus phendia kadala dieli, ghelotar, ai garadilo dur lendar.

37. Măkar ke kerdia but minunia angla lende, ci pachianaspe ande Leste,

38. eta, te pherdiol e vorba le profetoski o Isaia, kai phendiasas: "Devla, kon pachiaiape ande so phendem? Ai kaske O Hristos sikadia peski putieria?"

39. Anda kodia von naști pachianaspe, ke o Isaia mai phendia:

40.  "Korhandia lenghe iakha, ai zulardia lenghe ilo; te na dikhen penghe iakhensa, ai te na haliaren penghe ilesa, ai ci aven Mande te aven skăpime, ai te na sastiarav le."

41.  Isaia phendia kadala dieli, kana dikhlia Lesko barimos, ai dia duma pa Leste.

42. Numa vi anda le bare le jidovongo pachiaiepe ande Leste; numa angla le fariseii, ci sikavenas ke pachianpe, daratar ke den len avri anda e sinagoga.

43. Ke mai drago lenghe o chetaimos le manușenge de sar o luvudimos katar O Del.

44. O Isus dia duma ando baro glaso: "Kodo kai pachial ande Mande, pachialpe na ande Mande ferdi, numa ande Kodo kai tradia Ma!

45. Ai kodo dikhel Ma, dikhel Kodales kai tradia Ma!

46. Avilem ande lumia sar iek lumina, kaște kon godi pachialape ande Mande te na beșel ando tuniariko.

47. Te si vari kon kai așunel Murhe vorbi, numa ci pachail le, ci krisiniv les, ke Me ci avilem te krisiniv e lumia, numa te skăpiv la lumia!

48. Kodo kai șudel Ma, ai kai ci premil Murhe vorbi si les iek kai krisinila les. E vorba kai phendem, voi dela les pe kris po paluno dies!

49. Ke ci den duma anda Mande; numa O Dad kai tradia Ma, phendia Manghe so trobul te phenav.

50. Ai janav ke anda Leske vorbi si o traio le rhaiosko. Sa anda kodia le dieli kai phenav, phenav le sar O Dad phendia le Manghe!"

  Ioan 13

1.  Akana sa o dies mai anglal o dies Paska, O Isus janelas ke Lesko ciaso avilo te mukhel kadia lumia ai te jal kai Dad. De zurales sas Leske drago Leske manuș kai sas ande kadia lumia, ai sas Leske drago Leske manuș ando gor.

2.  O Isus ai Leske ucenicii hanas, o beng vunje thodiasas ando ilo le Judasosko Iscarioto, o șav le Simonosko, te purhil Les,

3.  O Isus janelas ke O Dad diasas svako diela ande Leske vas, ke avilo katar O Del, ai jalatar ka Del,

4.  O Isus vuștilo katar e skafidi, ai șudia peske țalia pa peste, ai lia iek

piștiri ai phandiolas pe lasa.

5.  Pala kadia șordia pai ande iek balai, ai thodiape te halavel le punrhe le ucenicii, ai te kosel le la piștiriasa kai phandiolas pe lasa.

6.  Ai avilo ka Simon Petru, ai o Petru phendia Leske: "Devla, Tu halaves murhe punrhe?"

7.  O Isus phendia leske: "So Me kerav ci haliares akana, numa haliaresa mai angle!"

8.  O Petru phendia Leske: "Na ci iek data ci halavesa murhe punrhe!" O Isus phendia leske: "Te na halavav chio punrhe tu ci mai avesa Murho ucenico."

9.  O Simon Petru phendia Leske: "Devla, na ferdi murhe punrhe! Numa vi murhe vas ai vi murho șero!"

10. O Isus phendia leske: "Kodo kai si halado mai trobul ferdi te halavel peske punrhe, te avel întrego vujo; ai tume vuje, numa na savorhe."

11. Ke janelas savo si te purhila Les, sa anda kodia phendia: "Ci san savorhe vuje!"

12. Pala kadia kana haladia lenghe punrhe, ai lia pe peste peske șalia thodiape kai skafidi, ai phendia lenghe:"Haliardian so Me kerdem tumenghe?

13. Tume akharen Ma o Gazda ai Devla; ai vorta phenen; ke sim.

14. Te haladem tumare punrhe, tumaro Devla ai tumaro Gazda vi tume trobul te halaven tumare punrhe iek kavreske.

15. Ke sikadem tumenghe sar te keren, kaste te keren sar Me kerdem tumenghe.

16. Ciacimasa, ciacimasa, phenav tumenghe, e sluga nai mai bari sar pesko Gazda; ci o manuș kai si tradino nai mai baro katar kodo kai tradia les.

17. Te janena kadala dieli, tume san raduime ferdi te thona tume te keren le!

18. Ci phenav, ke dav duma pa savorhende; janav save alosardem; numa trobul o ramomos te kerdiol, so phenel: ‘Kodo kai hal manrho Manța vazdia peske kur pe Mande!’

19. Akana phenav tumenghe mai anglal sar te kerdiol, kaște kana kerdiola, tume sai pachian ke Me sim Vo.

20. Ciacimasa, ciacimasa, phenav tumenghe, kodo kai premila kodoles kai Me tradem, premil Man; ai kodo kai premil Man, premil Kodoles kai tradia Man."

21. Kana O Isus phendia kadia, sas buntuime ande Pesko duho, ai phendia: "Magdata, ciacimasa, ciacimasa phenav tumenghe, iek

anda tumende purhila Ma!'"

22. Le ucenicii dikhenas pe iek kavreste, ci janenas pa kaste del duma.

23.  Iek anda Leske ucenicii, kodo kai O Isus sas Leske drago, beșelas pașa Isus.

24. O Simon Petru kerel leske semno, te phușel savo si kado kai O Isus phenel pa leste.

25. Ai kodia ucenico bandilo po kolin le Isusosko, ai phendia Leske: "Gazda, kon si kodo?"

26. O Isus phendia leske: "Kodo si kai dava les o kotor manrho pala te thav les ando tiari." Atunci thodia o manrho ando tiari, ai dia les ka Iuda Iscarioto, o șav le Simonosko.

27. Ai sar o kotor manrho sas dino o beng dia ande o Iuda. O Isus phendia leske:"So si tu te keres, keres les sigo!"

28. Numa ci iek anda kodola kai sas kai skafidi ci haliarde sostar phenelas Leske kadia.

29. Ke unii anda lende gîndinas, ke o Iuda sas leste gonorho le lovenghe, ai O Isus phendia leske: "Chin amenge so trobul ame kana avela o dies o baro le jidovongo” vai te del vari so le ciorhenghe.

30. O Iuda lia o kotor manrho, ai grebisailo te anklel avri; ai vunje e riat sas.

31. Kana o Iuda anklisto avri, O Isus phendia:"Akana O Șav le Manușesko sas luvudime, ai O Del sas luvudime ande Leste!"

32. Te sas O Del luvudime ande Leste, O Del vi Vo luvudila Les ande Peste, ai luvudila Les mai sigo.

33. Murhe țînorhe șave, Me sim tumența pe hanți vremia. Tume rodena Ma, ai sar phendem le jidovonge, tume naștin te aven kai Me jav.

34. Phenav tumenghe magdata akana, dav tumen iek nevo zakono: aven drago iek kavreske; sar sanas Manghe drago, vi tume aven drago iek kavreske.

35. Pala kodo savorhe janena ke tume san Murhe ucenicii, te avena drago iek kavreske!”

36. O Simon Petru phendia Leske: "Devla, kai jas Tu?" Isus phendia leske: "Naștis akana te aves pala Mande kai jav; numa avesa pala Mande mai palal!"

37. O Petru phendia Leske: "Devla, sostar naștiv te jav pala Tute akana? Ke me dav murho traio pala Tute."

38. O Isus phendia leske: "De sa chio traio pala Mande? Ciacimasa, ciacimasa, phenav tuke, mai anglal sar te bașel o kurkorșo, tu phenesa trivar ke ci janes Ma."

  Ioan 14

1.  “Na meken te nekejilpe tumaro ilo. Pachian tume ando Del, ai vi pachian tume ande Mande.

2.  Si but sobi ando kher Murhe Dadesko, te na avilino, Me sas te phenav tumenghe. Me jav te lașarav tumenghe iek than.

3.  Ai kana javatar ai lașarava tumenghe iek than, avava palpale ai lava tume Mande, sahke avava, vi tume aven.

4.  Tume janen kai jav, ai janen vi o drom!”

5.  O Toma phendia Leske: "Devla, ame ci janas kai Tu jas. Sar sai janas o drom?"

6.  O Isus phendia leske: "Me sim o drom, o ciacimos, ai o traio. Khonik naști avel ka Dad, numa te nakhela Mandar!

7.  Tume te janglianas Man, janglianas vi Murhe Dades; numa akana janen Les, ai vi dikhlian Les!”

8.  O Filip phendia Leske: "Devla, sikav amenghe le Dades, ai dosta avela amenghe."

9.  O Isus phendia leske: "Pala sa kadia vremia sim tumența ai înker ci janes Ma Filip? Kodo kai dikhlia Man dikhlia vi le Dades. Sar sai mothos tu: 'Sikav amenghe le Dades?'

10. Tu ci pachias ke Me sim ando Dad, ai ke O Dad si ande Mande? Le vorbi kai mothav tumenghe ci mothav le anda Mande; numa O Dad kai traiil ande Mande, Vo si kai kerel e buchi!

11. Pachian Ma kai Me sim ando Dad, ai O Dad si ande Mande; vai pachian Ma pala le buchia kai kerav!

12. Ciacimasa, ciacimasa, me phenav tumenghe, kodo kai pachialpe ande Mande, kerela vi vo le buchia kai kerav; ai înker kerela vi mai bare; ke Me javtar ka Dad!

13. Ai so godi tume manghena ande Murho Anav, Me kerava, sahke te avel O Dad luvudime ando Șav.

14. Te manghena tume vari so ande Murho Anav, Me kerava!

15. Te sim tumenghe drago, garaven Murho zakono!

16. Ai Me rhugiva Ma ka Dad, ai Vo dela tumen aver Mîngăitoro, sahke te beșel sagda tumența.

17. O Sfînto Duho le Ciacimasko, kai e lumia naști premil, ke ci dikhel Les, ai ci janel Les; numa tume janen Les; ke Vo traiil tumența, ai avela ande tumende!

18. Me ci mekava tume sirotki; avava tumende!

19. Mai hanți vremia, ai lumia ci mai dikhela Ma; numa tume dikhena Ma; ke Me traiiv, vi tume traiina!

20. Kado dies tume janena ke Me sim ando Murho Dad, ai tume san ande Mande, ai Me sim ande tumende!

21. Kodo kai si les Murhe zakonuria, ai kai garavel len, kodo si kai leske drago Manghe; ai kodo kai leske drago Manghe, Murho Dad avela leske drago leske, ai te avela Manghe drago leske ai sikavava Ma leste!"

22. O Iuda, na o Iscarioto phendia Leske: "Devla, sar ta trobul numa te sikadios amenghe ai na la lumiake?"

23. O Isus phendia leske: "Te sim vari kaske drago, vo garavela Murhe vorbi, ai Murho Dad drago leske, Ame avasa leste, ai traiis lesa!

24. Kodo kai leske drago Manghe ci garavel vov si Murhe vorbi, ai e vorba kai tume așunen nai Mandar, numa katar O Dad kai tradia Ma!

25. Me phendem tumenghe kadala dieli ji kai Me sim tumența.

26. Numa O Mîngăitoro, kai si O Sfînto Duho, kai O Dad tradela ande Murho Anav, sicharela tume svako fielo, ai serela tume so godi phendem tumenghe.

27. Me mekav tumenghe e pacea, Me dav tume Murhi pacea, Me ci dav la tumenghe sar del la tumenghe e lumia, na meken te nekejil pe tumaro ilo, ai te na daral!

28. Tume așundian ke phendem tumenghe: ‘Me javtar, ai pale avav tumen’, te sanas tume drago Manghe, tume raduisailianas, ke phendem: ‘Jav ka Dad’, ke Murho Dad si mai baro lo Mandar!

29. Ai akana phendem tumenghe kadala dieli mai anglal sar te kerdion; sahke kana kerdiona te pachian tume.

30. Ci mai dava duma tumența, ke o baro la lumiako avel; vo nai les ci iek putieria pe Mande!

31. Numa sahke te janel e lumia ke Manghe drago le Dades, ai ke kerav palai ordina kai dia Ma O Dad. Vușten opre, ai aventar kathar.

  Ioan 15

1.  Me sim o ciacio khaș le strugurosko, ai Murho Dad si Kodo kai lel sama katar e rez.

2.  Ai svako kreanga kai si ande Mande kai ci anel fruta, Vo șinel la; numa svako kreanga kai anel fruta, Vo șinel la, sahke te avel la mai but fruta.

3.  Akana te san vujo palai vorba kai phendem tute.

4.  Beșes ande Mande, ai Me beșava ande tute, sar e kreanga kai naștil anda peste te avel la fruta, te na beșela phangli ka khaș; kadia tu naștis te na beșesa ande Mande!

5.  Me sim o khaș le strugurosko, ai tume san le krenji. Kuko kai beșel ande Mande, ai Me beșav ande leste, vo anel but fruta; ke tu bi Mango naștis te keres khanci.

6.  Te si vari kon kai ci beșel ande Mande, Vo șudino lo avri sar e kreanga, ai șuchiol; ai porme chiden le, ai șuden le ande iag, kai phabosarde.

7.  Te beșena ande Mande, ai Murhe vorbi te beșena ande tumende, phușen so tume manghe, ai avela tume dino so manghen.

8.  Kana tume den but fruta, Murho Dad si luvudime; kadia sikavel kai san Murhe ucenicii!

9.  Sar O Dad drago Manghe, Manghe drago sas tumen; besșen ande Murhe dragostia.

10. Te garavena Murhe zakonuria, tume beșena ande Murhe dragostia; sa sar garadem Me le zakonuria Murhe Dadeske, ai ke Me beșav ando Leski dragostia!

11. Me phendem tumenghe kadala dieli, sahke te avel Murho raduimos ande tumende, ai tumaro raduimos te avel pherdo.

12. Eta, Murho zakono, aven draji iek kavreske, sar sas Manghe draji tumenghe.

13. Nai mai bari dragostia de sar te des pesko traio leske vortacenghe.

14. Tume san Murhe vortacia, te kerena so phenav tumenghe.

15. Ci mai akharav tumen sluji, ke e sluga ci janel so kerel lako gazda; numa akhardem tume vortacia ke phendem tumenghe svako fielo sa so godi kai așundem katar Murho Dad!

16. Tume ci alosardian Ma, numa Me alosardem tumen, ai phendem tumenghe te jan ai te avel tume fruta, ai tumare fruta te avel fruta kai înkerel, sahke so tume manghena katar O Dad ande Murho Anav, Vo dela tume.

17. So mangav Me tumendar, si te aven draji iek kavreske!

18. Te e lumea grețol tume, tume janen ke e lumea grețosardia Ma mai anglal tumendar.

19. Te avilianas andai lumea, e lumea sas te avel lake drago so si lako; numa ke ci san andai lumea, ai ke alosardem tume andai lumea, anda kadia e lumea grețol tume.

20. Dem tume goji kai vorba kai phendem tumenghe: 'E sluga nai mai bari katar pesko gazda.' Te chinuisarde Man, chinuina vi tumen; te garade Murhi vorba, garavena vi tumari.

21. Numa von kerena tumenghe sa kadala dieli pala Murho Anav, ke ci janen Kodoles kai tradia Ma!

22. Te na avilemas ai te na demas lența duma, nas te aven doșale ke

kerde bezehă; numa akana naștin moțon ke nai doșale anda penghe bezehă.

23. Kodoleske kai grețol Man, grețol vi Murho Dad.

24. Te na kerdemas mașkar lende buchia kai khonik aver ci kerdia, nas te avel le bezehă; numa akana von dikhlesas so kerdem, ai von grețon Ma ai Murho Dad.

25. Numa kadala dieli kerdile, sahke te kerdiol e vorba kai si ramome ande lengo zakono: 'Von grețosarde Ma întîino.'

26. Kana avela O Mîngăitoro, Kodo kai tradava tumenghe katar le Dadesko, ai vi O Sfînto Duho le Ciacimasko avel katar O Dad, Vo mothola pa Mande!

27. Ai vi tume mothona pa Mande, ke tume san Manța de anda gor!

  Ioan 16

1.  Me phendem tumenghe kadala dieli, sahke te na rimon tume.

2.  Von șudena tume avri andal sinagoguria; ai vi avela e vremia, kai kon godi mudarela tume gîndila ke kerel vorta angla Del.

3.  Ai von kerena kadia, ke ci jangle ci le Dades, ai ci Man.

4.  Me phendem tumenghe kadala dieli, sahke kana avela e vremia, tume serenape kai phendem tumenghe. Me ci phendem tumenghe pa kadala dieli de anda gor, ke Me simas tumența.

5.  Numa akana javtar karing Kodo kai tradia Ma; ai ci iek anda tumende ci phușel Ma: ‘Kai jas?’

6.  Numa ke phendem tumenghe kadale dieli, tumaro ilo nekăjisailo.

7.  Numa phenav tumenghe o ciacimos: mai mișto avela tumenghe te javtar; ke te na javatar, O Mîngăitoro ci avela tumende; numa te javatar, tradava Les tumende!

8.  Ai kana Vo avela, sikavela le norodoske ke șubinpe pa bezăh, pa so si vorta, ai pai kris le Devleski!

9.  Von șubinpe pa bezăh, ke ci pachianpe ande Mande;

10. pa so si vorta, ke Me jav ka Murho Dad, ai ke ci mai dikhena Ma;

11. pai kris, ke o baro kadala lumiako dino lo pe kris.

12. Mai si Ma înker but dieli te phenav tumenghe, numa naștin te haliaren le akana.

13. Kana O Mîngăitoro, O Sfînto Duho le Ciacimosko avela, Vo îngherela tume ande sa o ciacimos; ke Vo ci dela duma pa Peste, numa phenela so godi așunel, ai phenela tumenghe le dieli kai avena.

14. Vo luvudila Man, ke lela so si Murho, ai phenela tumenghe.

15. So godi kai si O Dad, Murho si; anda kodia phendem: ‘Te lel so si Murho, ai te phenela tumenghe!’

16. Mai hanți vremia ai ci mai dikhena Ma; ai porme mai hanți vremia ai dikhena Ma, ke Me jav ka Dad!"

17. Pe kado divano unii anda Leske ucenicii denas pe duma von de von. Ai mothonas: "So znachil so phenel amenghe,‘mai hanți vremia ai ci mai dikhena Ma, ai porme mai hanți vremia, ai dikhena Ma, ke Me jav ka Dad?’”

18. No von phende: "So znachil so phenel, ‘mai hanți vremia’ ? Ame ci janas pa soste del duma."

19. O Isus janelas ke manghenas te phușen Lestar, ai phendia lenghe: "Tume phușen iek kavrestar so phendem: ‘mai hanți vremia ai ci mai dikhena Ma, ai porme mai hanți vremia, ai dikhena Ma?’

20. Ciacimasa, ciacimasa, Me phenav tumenghe, tume rovena ai suspinina ai le lumia raduilape; tume avena nekăjime, numa tumaro nekazo parhudiola ai avela raduimos!

21. E juvli kana si te avel la glata nekăjime la, ke lako ciaso avilo; numa kana o ținorho arakhadilo, ci mai serelpe ka chino, pala raduimos kai si la, ke iek manuș kerdilo ande lumia.

22. No vi tume akana san nekăjime; numa Me mai dikhava tume, ai tumaro ilo raduilape, ai khonik ci lela tumendar tumaro raduimos!

23. Kana avela kodo dies tume ci mai phușena Mandar khanci. Ciacimasa, ciacimasa, Me phenav tumenghe, so tume manghena katar O Dad ande Murho Anav, Vo dela tumen!

24.  Ji akana tume ci manglian khanci ande Murho Anav; manghen, ai avela tumen dino, sahke te pherdiol tumaro raduimos!

25. Me phendem tumenghe kadala dieli andel paramicia; numa e vremia avela, kana ci mai dava tumența duma andel paramici, numa dava tumența duma vorta pa Dad.

26. Kana kodia dies avela tume manghena ande Murho Anav, ai ci phenav tumenghe, ke rhugiva Ma ka Dad anda tumende.

27. Ke O Dad Leske drago tumenghe, ke sanas tume draji Manghe, ai tume pachiaian tume ke Me avilem katar Del!

28. Me avilem katar O Dad, ai avilem ande lumia; numa akana javtar andai lumia, ai jav ka Dad!"

29. Leske ucenicii phende Leske: "Eta Tu des duma akana vorta, ai ci des duma andel paramicia.

30. Akana janas ke Tu janes svako fielo, ai ke ci trobul vari kon te phușel Tu vari so; anda kodia ame pachias ame ke Tu avilian katar O Del!"

31. O Isus phendia lenghe:"Tume pachian akana?

32. Eta, e vremia avela, ai vunje avili, kai avela svako ande tumende respiime, pe peski rik, ai mekena Ma korkorho; numa ci sim korkorho, ke O Dad si Manța!

33. Me phendem tumenghe kadala dieli, sahke te avel tume e pacea ande Mande! Tume avena zumade ande lumia, numa na daran, ke Me nirisardem pe lumia!"

  Ioan 17

1.  Pala kodia kana dine duma O Isus, vazdia le iakha po ceri, ai phendia: "Murho Dad, e vremia avili; luvudisar Chie Șaves, sahke Chio Șav te luvudil Tut;

2.  ke dian Les e putieria pe sa le manuș, te del o traio le rhaiosko ka sa kodola ka dian Les.

3.  Ai o traio le rhaiosko si te janen Tu tut ferdi o ciacio Del, ai O Isus Hristos, Kodoles kai tradian!

4.  Me luvudisardem Tu pe phuv, Me kerdem e buchi kai dian Ma te kerav!

5.  Ai akana, Murho Dad, luvudisar Ma pașa Tute, sakadia luvudimos kai sas Ma pașa Tute ma anglal e lumia kerdilisas!

6.  Kerdem te jangliolpe Chio Anav kal manuș kai dian Ma mașkar e lumia. Von sas Chire, ai Tu dian le Manghe; ai von garade Chi vorba!

7.  Akana von janen ke so godi dian Ma Tutar avel!

8.  Ke me dem le le vorbi kai dian Ma; ai von premisarde le, ai von ciaces janen ke Me avilem Tutar, ai von pachiaie ke Tu tradian Ma!

9.  Me rhugiv Ma lenghe; ci rhugiv Ma anda lumia, numa kodolenghe kai dian Ma; ke von Chire si!

10. Ai so godi si Murho, Chiro si; ai so si Chiro, Murho si; ai Me sim luvudime ande lende!

11. Me ci mai sim ande lumia, numa von si ande lumia, ai Me avav Tute. Murho Sfînto Dad, garav le ande Chio Anav kai dian Ma, sahke te aven iek, sar sam ame!

12. Kana Me simas lența ande lumia, Me garadem le ande Chiro Anav; ai Me garadem kodolen kai dian Ma, ai ci iek anda lende ci hasailo, numa ferdi o șav le hasarimasko; sahke te kerdiol so phendia E Vorba le Devleski!

13. Ai akana Me avav Tute; ai phenav kadala dieli ande lumia, sahke te pherdiol ande lende Murho raduimos!

14. Me dem len Chi vorba; ai e lumia grețosardia le, ke von nai andai lumia, sar Me ci sim andai lumia!

15. Me ci rhugiv Ma te les le andai lumia, numa Me mangav Tu te arakhes le katar o nasulimos!

16. Von nai andai lumia, sar Me ci sim andai lumia!

17. Vujar le Che ciacimasa; Che vorba si o ciacimos!

18. Sar tu tradian Ma ande lumia, vi Me tradem le ande lumia!

19. Ai Me korkorho vujarav Man lenghe, sahke vi von te aven vujarde katar o ciacimos!

20. Ci rhugiv Ma numa anda lende, numa vi kodolenge kai pachianaspe ande Mande katar penghe vorba!

21. Sahke savorhe te aven iek, sar Tu, Murho Dad, san ande Mande, ai Me sim ande Tute; sahke vi von te aven iek ande Amende, te pachialpe e lumia kai Tu tradian Ma!

22. Me dem le o luvudimos kai dian Ma, sahke te aven vi von iek, sar Ame sam iek,

23. Me ande lende, ai Tu ande Mande, sahke te aven vorta ande iek; ai e lumia te janel ke Tu tradian Ma, ai ke sas tumenghe draji Manghe, sar simas drago Tuke!

24. Murho Dad, mangav kodolen kai dian Ma te aven vi von Manța kai sim; sahke te dikhen Murho luvudimos, o luvudimos kai dian Ma; ke sanas Tuke drago Manghe mai anglal kerdili sas e lumia!

25. Murho Dad o Ciacio, e lumia ci janglia Tu; numa Me janglem Tu, ai kodola jangle ke Tu tradian Ma!

26. Me kerdem len te janen Chiro Anav, ai mai kerava len te janen Tu, sahke e dragostia kai si Tu Manghe te avel ande lende, ai vi Me te avav ande lende!"

  Ioan 18

1.  Kana O Isus phendiasas kadala vorbi, gelo Peske ucenicii închial o pai kai bușol Chedron, kothe sas iek sado, ai Vo ghelo andre Peske ucenicii.

2.  Ai vi o Iuda, kai purhisardia Les, janelas kodo than; ke O Isus ai Leske ucenicii butivar kidepe kothe andek than.

3.  O Iuda ghelo ka sado, ai andia pesa katanen ai le jandarii kai sas tradine katar le bare le rașanghe ai katar le fariseii; von avenas le sabiența, ai le lamponța, ai le khaștența kai phabonas.

4.  O Isus janelas so si te kerdiol pe Lesa, ghelo karing lende, ai phendia lenghe: "Kas roden?" Le ketanii phende Leske:

5.  "O Isus andai Nazaret!" O Isus phendia lenghe: "Me sim!" Ai o Iudas, kai purhisardia Les, lensa sas.

6.  Kana O Isus phendia lenghe: "Me sim!" , von dinepe palpale, ai pele

tele.

7.  O Isus mai phușlia le: "Kas roden?" Ai von phende: "O Isus andai Nazaret!"

8.  O Isus phendia: "Me phendem tumenghe ke Me sim; no te sim Me kai roden, meken kodolen te jantar!”

9.  Vo phendia kadia sahke te kerdiolpe e vorba, kai phendiasas:‘Ci hasardem ci iek anda kodola kai dian Ma!’

10. O Simon Petru kai sas les iek sabia lia la, ai dia iek le bare rașaska sluga, ai șindia lako khan o ciacio. Kodia sluga bușolas Malhu.

11. O Isus phendia le Petroske: "Tho palpale chio sabia, so te na piiav e kuchi kai Murho Dad dia Ma te piiav?"

12. Atunci le ketanii, lenghe bare ai jandarii le jidovonghe line le Isusos, ai phangle Les.

13.  Îngherde Les mai anglal kai Annah; ke sas o sokro le Kaiafasosko, kai sas baro rașai kodo berș.

14. Ai o Kaiafa sas kodo kai phendiasas le jidovonghe: "Mai mișto te merel iek manuș le norodoske!"

15. O Simon Petru ai aver ucenico lenaspe pala Isus, kodia ucenico janelas les o baro rașai, ai ghelo vi vo le Isusosa ande bar le baro rașasko.

16. Numa o Petru beșlo avri pașa vudar, o kolaver ucenico kai janelas les o baro rașai, anklisto avri ai dia duma la juvliasa kai arakhelas o vudar, ai angherdia o Petru andre.

17. Atunci e sluga kai garavelas o vudar phendia le Petreske: “Patche chi san vi tu iek ucenico Kadale manușesko?” Ai vo phendia: "Nici, ci sim!"

18. Ai le slugii, ai jandarii beșenas anda punrhende kothe, kai kerde iag le angaresa, ke șil sas; ai tacionas, vi o Petru sas lensa, ai taciolas vi vo.

19. O baro rașai phușelas le Isusos pa Leske ucenicii, ai pa Lesko sicharimos.

20. O Isus phendia leske: "Me dem duma angla savorhende le norodosa; Me sichardem sagda ande sinagoga, ai ando Templo, kai sa le jidovuria chidenaspe; ai Me ci phendem khanci ciordanes!

21. Sostar tu phușes Mandar? Phuș kodolendar kai așunde Man, so phendem lenghe. Așun! Von janen so phendem!"

22. Pe kodo divano, iek andal jandarii kai sas kothe dia iek palma le Isusos, ai phendia: "Kadia si sar des duma kal bare rașas?"

23. O Isus phendia leske:"Te si ke dem duma nasul, phen Manghe ce

nasulimos phendem; ai te dem duma mișto, sostar des Ma iek palma?"

24. Annah tradia Les phanglo ka Kaiafa o baro rașai.

25. O Simon Petru kothe sas ai taciolas. Ai von phende leske: "Patche tu ci san anda Kodola ucenicii?" Ai vo phendia: "Nici, me ci sim anda Kodola!"

26.  Iek sluga le bare rașaski sas iek niamo kodolesa kai o Petru șindiasas lesko khan, phendia: "Patche ci dikhlem tu ando sado Lesa?"

27. O Petru pale phendia: "Ci janav Les!", ai strazo o kurkorșo bașadia.

28. Porme angherde le Isusos katar o Kaiafa ka kher la krisako le guvernorosko kai keren kris; diminiați sas; numa le jidovuria ci ghele andre ando kher, sahke te na aven marime, ai te sai han le Paska.

29. O Pilat anklisto avri te jal karing lende, ai phendia: "Savatar doș si tume pe Kado manuș?"

30. Ai von phende leske: "Te na avilino bi lașo, nas te anas Les tute!"

31. O Pilat phendia lenghe: "Len Les tume ai den Les pe kris pala tumaro zakono!” Le jidovuria phende leske: "Amenge nai slobodo te mudares vari kas."

32. Kodia sas sahke te kerdiol e vorba kai O Isus phendiasas, kana sikadia sar si te merel.

33. O Pilat ghelo ando kher la krisako ai akhardia le Isusos, ai phendia Leske: "San Tu o Împărato le Jidovongo?"

34. O Isus dia les atveto:"Tu anda tute mothos kodia, vai le kolaver phende tuke pa Mande?"

35. O Pilat dia Les atveto: "Patche me sim jidovo? Chiro neamo ai le bare rașa andine Tu mande; so kerdian Tu?"

36. O Isus phendia:"Murhi Împărăția nai ande kadia lumia; te avilino Murhi Împărăția ande kadia lumia, atunci Murhe slugii marenaspe pala Mande, sahke te na avav dino kal jidovuria; numa akana Murhi Împărăția nai kathe pe lumia!”

37. O Pilat phendia Leske: "No, Tu san Împărato?" O Isus phendia: "Tu mothos, Me sim Împărato! Me arakhadilem ai avilem ande lumia, te phenav pa ciacimos. Kon godi si le ciacimasko așunel Murho glaso!”

38. O Pilat phendia Leske: "So si o ciacimos?" Ai kana phendia kadia, anklisto avri pale te jal karing le jidovuria, ai phende lenghe: "Me ci arakhav ci iek nasulimos ande Leste!

39. Numa sar si mașkar tumende iek zakono, te mekav vari kas

tumenghe kana si O Dies O Paska, manghen ma te mekav tumenghe O Împărato le Jidovongo?"

40. Pale savorhe țîpinas: "Nici, na Les, numa o Baraba!" Numa o Baraba sas iek cior.

  Ioan 19

1.  Atunci O Pilat lia le Isusos, ai kerdia te maren Les le biciosa.

2.  Le ketanii kerde andal kanrhe iek korona, ai țode la pe Lesko șero, ai dine pe Leste iek rhochia brazbi.

3.  Porme pașile pașa Leste, ai phende: "Plecăciune, Împărato le Jidogongo!" ai denas Les palmi po mui.

4.  O Pilat pale ankliste avri, ai phendia le jidovonghe: "Eta, avav Les tumenghe avri, sahke te janen ke ci arakhav ande Leste ci iek nasulimos!”

5.  Atunci O Isus anklisto avri la koronasa kai sas kanrhale, ai le rașa kai sas brazbi, ai o Pilat phendia lenghe: "Eta, o manuș!"

6.  Numa kana le bare le rașange ai jandarii dikhle Les, țîpinas, phenenas: "Karfon Les, karfon Les!" O Pilat phendia lenghe: "Len Les tume, ai karfon Les, ke me ci arakhav ci iek nasulimos ande Leste!"

7.  Le jidovuria phende leske: "Amen si ame iek zakono, ai pala amaro zakono Vo trobul te merel, ke Vo kerdia anda peste O Șav le Devlesko!"

8.  Kana o Pilat așundia kodia, vo mai zurales darailo,

9.  ai pale ghelo ando kher la krisako, ai phușlia katar O Isus: "Katar san Tu?" Numa O Isus ci phendia kanci.

10. O Pilat phendia Leske: "Manța ci des duma? Patche ci janes ke man si ma e putieria te karfon Tu po trușul, ai ke si ma vi e putieria te mekav Tu?"

11. O Isus phendia: "Tut nas te avel tu ci iek putieria pe Mande, te na avilino tu dini putieria opral; anda kudia kodo kai andia Ma tute kerel iek mai baro bezăh!”

12. Pala kodia o Pilat manghelas te mekel Les, numa le jidovuria țîpinas, phenenas: "Te mekesal Les, tu ci san o vortako le Cesarosko; ke kon godi kerel anda peste împărato, vo kerel anda peste o dujmano le Cesarosko!”

13. O Pilat kana așundia kodia, andia le Isusos avri, ai beșlo tele po skamin la krisako po țan kai bușol o Bah, ai jidovisko Gabata.

14. Atunci sas e vremia kai lașarenas O Dies O Paska, ai paște mizmeri sas. O Pilat phendia le jidovonghe: "Dikh, tumaro Împărato!"

15. Numa von țîpinas: "Mudar Les, mudar Les, karfosar Les po trușul!"

O Pilat phendia lenghe: "Tume manghen ma te mudarav tumare Împărato?" Le bare rașa phenenas: "Amaro împărato si o Cesar!"

16. Atunci dia Les lende te karfon Les. Von line le Isus, ai îngherde Les.

17. O Isus îngherelas pesko trușul, ai areslo po țan kai bușol șero, ai jidovisko mothonas Golgota.

18. Ai kothe karfosarde Les, ai dui aver manuș sas Lesa, iek pal dui riga, ai O Isus mașkaral.

19. O Pilat ramosardiape vari soste, ai thodia po trușul, ai kodo ramomos motholas: "O Isus andai Nazaret, O Împărato le Jidovongo!"

20. But jidovuria jinde so sas ramome, ke o than kai O Isus sas karfome pașa foro sas, ai ramome sas jidovisko, grecisko ai latinesko.

21.  Le bare le rașange phende le Pilatoske: "Na ramosar, O Împărato Le Jidovongo, numa ramosar ke Vo phendia: 'Me sim O Împărato le Jidovongo!'"

22. O Pilat phendia: "So me ramosardem, trobul te beșel ramome!"

23. Le katanii, kana karfosarde le Isusos, line Leske țalia, ai kerde ștar kotora anda lende, iek kotor svakona katanake; ai line vi Leski rahami, kai nas suvdi, numa anda iek kotor sas de opral ji tele.

24. Ai phende mașkar pende: "Na șinas la, numa thodepe te dikhen kon niril la, lela la”; sahke te kerdiol so phendiasas E Vorba le Devleski, kai phenel: "Von hulade Murhe țalia mașkar pende, ai thodepe te dikhen kon niril murhi rahami." So kerde le katanii.

25. Pașa trușul le Isusosko sas Leski dei, ai e phei Leska daki, e Maria e rhomni le Cleopaski, ai e Maria Magdalena.

26. Kana O Isus dikhlia Peska da, ai pașa late o ucenico, kai sas Leske drago, phenel Peska dake:"Juvlio, eta, chio șav!"

27. Ai porme phendia le ucenico:"Eta, chio dei!” Ai atunci kodia ucenico lia la ka lesko kher te beșel leste.

28. Pala kodia, O Isus kai janelas ke vunje sa gata sas, sahke te kerdiol so phendia E Vorba le Devleski, Vo phendia:"Trușalo sim!"

29. Ai sas kothe iek piri chikaki pherdo șut. Le katanii bolde ieke bureto pherdi șut, ai kana phangle la pe iek kotor khaș kai bușol hisop, țode la ka Lesko vuș.

30. Kana o șut areslo pel le Isusoske vuș, Vo phendia:"Sa gata!” Ai kana meklia o șero tele, mulo.

31. Kodia sas iek dies mai anglal sar o Sabato, ai le jidovuria ci manghenas le staturia te beșen pel trușula Sabato, ke kodo Sabato sas iek baro dies. Le jidovuria manghenas katar o Pilat te phaghen le punrhe kodolenghe kai sas karfome, ai te len le pal trușula.

32. Atunci le katanii avile, ai phagle le punrhe le pervoneske, porme le kolavreske kai sas karfome Lesa.

33. Numa kana pașile pașa Isus, ai dikhle ke vunje mulo sas, ci phagle Leske punrhe.

34. Numa iek andal katanii kerdia gropa ande Lesko prașav la sabiasa, ai strazo anklisto rat avri ai pai.

35. O manuș kai dikhlia le mothol pa kadala dieli kai kerdile, ai so mothol o ciacimos si; vo janel ke mothol o ciacimos, sahke te pachian tume.

36. Kadala dieli kerdile, sahke te kerdiol so phendia E Vorba le Devleski: ‘Ci iek kokola anda Leske ci avela phaglo!”

37. Ai ande averik E Vorba le Devleski mai phenel: "Von dikhena Kodoles kai hiviarde!"

38. Pala kodia o Iosif andai Arimatea, kai sas iek ucenico le Isusosko, numa ciordanes ke daralas katar le jidovuria, manglia katar o Pilat te sai lel o stato le Isusosko. Ai o Pilat phendia leske ke sai. Vo avilo ai lia o stato le Isusosko.

39. O Nicodim avilo, kai mai anglal avilo sas e riate ka Isus, ai andia paște tranda kili mir ai aloe amime andek than.

40.  Line o stato le Isusosko, ai vuluisarde Les andek vujo pohtan parno ai țode andre aromat, ke kadia si o zakono le jidovongo te gropon.

41. Ai sas iek sado pe kodo țan kai sas O Isus karfome; ai ande kodo sado sas iek nevo grepoșevo, kai înker khonik nas thodino andre.

42. Kothe thode le Isusos ke sas o dies o baro le jidovengo mai anglal sar o Sabato le jidovongo, ai ke o grepoșevo sas pașe.

  Ioan 20

1.  Kurke diminiața, ai kana kerelas înker tuniariko, e Maria Magdalena gheli ka grepoșevo, ai dikhlia ke o bah sas lino katar o vudar.

2.  Voi nașli karing o Simon Petru, ai karing o kolaver ucenico kai sas drago le Isusosko, ai phendia lenghe: "Line le Devles anda gropoșevo ai ci janas kai thode Les!"

3.  O Petru ai o kolaver ucenico ghele, ai avile ka gropoșevo.

4.  Vi le dui jene nașenas andek than, numa o kolaver ucenico nașelas mai zurales katar o Petru, ai areslo pervo ka gropoșevo.

5.  Bandilo tele ai dikhlia o pohtan o parno kai sas pe phuv; numa ci ghelo andre.

6.  O Simon Petru lelaspe pala leste areslo, ai ghelo andre ando gropoșevo, ai dikhlia o pohtan o parno kai sas pe phuv.

7.  Ai e kotor dirza kai thode sas po șero le Isusosko, nas le pohtanosa

le parnesa, numa pakhuime sas rigate ande kolaverik.

8.  Atunci le kolaver ucenico, kai areslo sas o pervo ka gropoșevo, ghelo vi vo andre, ai dikhlia, ai pachiaiape.

9.  Ke ci haliarenas înker ke E Vorba le Devleski motholas ke O Hristos trobulas te juvindil mașkar le mule!

10. Ai le ucenicii gheletar porme khere.

11. Numa e Maria beșelas avri pașa gropoșevo ai rovelas; numa ande kodia kai rovelas, bandili tele te dikhel ando gropoșevo.

12. Ai dikhlia duie îngero kai sas vuriarde ando parno, ai beșenas tele po than kai sas thodino o stato le Isusosko. Iek beșelas ka șero ai o kolaver kal punrhe.

13. Ai phende lake: "Juvlio, sostar roves?" Ai voi phendia lenghe: "Me rovav ke line Murhe Devles, ai ci janen kai thode Les!"

14. Ai kana phendia kadia, voi boldinisaili, ai dikhlia le Isusos ande punrnende; numa voi ci janelas ke sas O Isus!

15. O Isus phendia lake: "Juvlio, sostar roves? Kas rodes?" Ai voi gîndilas ke Vo sas o manuș kai lel sama katar o sado, phenel Leske: "Gazda, te lian Les vari kai, phen manghe kai thodian Les, ai me lava Les!"

16. O Isus phendia lake: "Maria!" ai voi boldinisaili, ai phendia Leske jidovesko: "Rabuni!" kodia znachil ‘Gazda!’

17. O Isus phendia lake: "Na azba Ma, ke înker ci ghelem ka Murho Dad; numa ja ka Murhe phral, ai phen lenghe manghe, ke Ma jav ka Murho Dad, ai tumaro Dad, ka Murho Del ai tumaro Del!"

18. E Maria Magdalena gheli ai phendia le ucenicii ke dikhlia le Devles, ai ke phendia lake kadala dieli.

19. Pozno sas o pervo dies le kurkosko, le ucenicii chidinesas andek than ande iek kher, ai phandadesas le vudara zurales ke daranas katar le jidovuria, O Isus avisailo mașkar lende, ai phendia lenghe: "E pacea te avel tumența!"

20. Ai kana phendia lenghe kadala vorbi, Vo sikadia lenghe Peske vas ai Pesko prașav. Le ucenicii raduisaile, kana dikhle le Devles!

21. O Isus mai phendia lenghe: "E pacea te avel tumența, sar Murho Dad tradia Man, vi Me tradav tumen!"

22. Ai kana phendia kodia divano, phurdia pe lende, ai phendia lenghe:"Premin O Sfînto Duho!

23. Te iertina tume le bezehă le manușenge, lenghe bezehă avena iertime; te na iertin le, ci aven iertime!"

24. Numa o Toma, kai akharenas les Didimus (o Geamano), iek andal deșu dui ucenicii, nas lensa kana O Isus avisailo.

25. Le kolaver ucenicii phende leske: "Ame dikhliam le Devles!" Numa vo phendia lenghe: "Te na dikhava ande Leske vas le semnuria le karfiango, ai te na țava murho nai andel semnuria le karfiange, ai te na țava murho vas ande lesko prașav, ci pachiava!"

26. Ohto dies pala kodia le ucenicii le Isusoske sas pale ando kher ai o Toma sas lensa. O Isus avisailo, le vudara phandadesas zurales, numa O Isus avilo mașkar lende, ai phendia: "E pacea te avel tumența!"

27. Porme phendia le Tomasoske: "Tho chio nai kata, ai dikh Murhe vas; an vi chio vas ai tho les ande Murho prașav; ai na kerdiol manuș kai ci pachialpe, numa pachias tu!"

28. O Toma phendia Leske: "Murho Devla ai murho Del!"

29. O Isus phendia leske: "Tu dikhlian Man anda kodia pachiaian tu, numa raduime kodola kai ci dikhle ai kai pachiaiepe!"

30. O Isus mai kerdia angla Peske ucenicii but aver minunia, kai nai ramome ande kadia klișka.

31. Numa kadala dieli sas ramome, sahke te pachian tume ke O Isus si O Hristos, O Șav le Devlesko, ai kana pachian tume te avel tume o traio ande Lesko Anav!

   

  Ioan 21

1.  Pala kodia O Isus mai avisailo le ucenicii pașai marea kai bușol Tiberiada; ai eta, sar avisailo lenghe:

2.  O Simon Petru, ai o Toma kai akharenas les Didimus (o Geamano), ai o Natanael andai Cana kai si ande Galilea, ai le șav le Zebedeske, ai dui aver ucenici le Isusoske sas andek than.

3.  O Simon Petru phendia lenghe: "Me jav te astarav mașe." Ai von phende leske: "Vi ame jas tusa." Ankliste avri, ai ankliste andek parahodiți; numa kodia riat ci astarde khanci.

4.  Kana phuterdilo o dies, O Isus sas pașai marea pe chișai; numa le ucenicii ci janenas ke O Isus sas.

5.  O Isus phendia lenghe: "Șavorhale, nai tume khanci te han?" Ai von dine Les atveto: "Nici."

6.  Ai phendia lenghe: "Șuden e sita pe rik e ciaci le parahodoski ai arakhena mașe!" Von șude, ai naști mai ankalavenas e sita avri de but mașe kai sas!

7.  Atunci o ucenico kai sas drago le Isusoske phendia le Petreske: "Devla si!" Ai kana o Simon Petru așundia ke O Del

si, lia pe peste peske țalia, ai thodia peske praștia (ke nango sas), ai șudiape ande marea.

8.  Ai le kolaver ucenicii avile ande parahodoski, țirdenas e sita kai sas pherdo mașe, ke nas dur katar o bedigo, iek șel meteria sas. (200 coto).

9.  Kana huliste pe phuv, dikhle kothe angara dine iag, ai mașo sas opral, ai sas vi manrho.

10. O Isus phendia lenghe:"Anen mașe kai astardian akana!”

11. O Simon Petru anklisto anda parahodo, ai andia pe phuv e sita pherdo iek șel ai panvardeș trin bare mașe; ai măkar ke sas but, e sita ci șindili.

12. O Isus phendia lenghe:"Aven ai han!" Ai ci iek andal ucenicii ci tromailo te phușel Lestar: "Kon san Tu?" ke janenas ke O Del si!

13. O Isus pașilo, lia o manrho, ai dia len, ai porme lia o mașo ai dia len.

14. Kodia sas e trito data kai O Isus sikadiolaspe Peske ucenicii, de sar juvindisailo sas mașkar le mule.

15. Kana ghetosarde te han, O Isus phendia le Simonoske Petru:"Simon, șav le Ionasosko, san tuke drago manghe mai but sar kodola?" Ai vo phendia leske: "E Devla, Tu janes ke sim manghe drago Tuke." O Isus phendia leske: "Le sama katar Murhe bakriorha!"

16. Ai mai phendia leske pe duito data: "Simon, șav le Ionasosko, san tuke drago Manghe?" O Petru phendia Leske: "E Devla, Tu janes ke sim manghe drago Tuke." O Jesus phendia leske: "Le sama katar Murhe bakriorha!"

17. Ai mai phendia leske pe trito data: "Simon, șav le Ionasosko, san tuke drago Manghe?" O Petru nekejisailo anda so phendia leske pe trito data: "San tuke drago Manghe?" ai phendia Leske: "Devla, Tu janes svako fielo; Tu janes ke sim manghe drago Tuke!" O Isus phendia leske: "Le sama katar Murhe bakriorha!

18. Ciacimasa, ciacimasa, Me phenav tuke, kana sanas mai terno, tu thosas pe tute e praștia, ai jasas kai tu manghesas; numa kana avesa phuro, tu vazdesa che vas opre, ai aver thola e praștia pe tute, ai îngherela tu kai tu ci manghesa te jas!"

19. Vo phendia kadia te sikavel sar o Petru merela ai luvudila le Devles! Porme kana phendia kodo divano, phendia leske: "Le tu pala Mande!"

20. O Petru, kana boldinisailo, dikhlia ke lelaspe pala lende o ucenico kai sas drago le Isusosko; kodo kai thodiasas pe po kolin le Isusosko kana hanas, ai phușliasas Lestar: "Devla, savo si kodo kai si te purhil Tu?"

21. Kana o Petru dikhlia les, phendia le Isusosko: "Devla, so kerdiolape kodo manuș?"

22. O Isus phendia leske: "Te mangava te traiil ji kai avava palpale, soi tuke koțar? Le tu pala Mande!"

23. Kodia vestia gheli atunci mașkar le phral, ke kodia ucenico ci merela. Numa O Isus ci phendiasas le Petreske, ke ci merela, numa phendia: ‘Te mangava te traiil ji kai avav palpale, soi tuke koțar?’

24. No kodia ucenico si kai phenel pa kadala dieli kai kerdile, ai kai ramosardia le; ai ame janas ke so phendia si ciacio!

25. O Isus mai kerdia but aver dieli, te ramosardiamas le, divano pe divanoste, me gîndiv ke sa e lumia naști sardino te înkerel le klișki kai ramosardamas. Amen!

 

Sar sai aves skăpime?   E mîntuirea avel katar O Del hai e Biblia sikavel sar sai avas iertime, hai sar sa-i avel amen viața sada de iek.Si importanto so phenel o Cuvînto le Devlesko pala o scăpimos le sufletosko!   1. Hatearas kă tu san iek bezehalo anglea o Del -“Se kărde o bezăh hai si le lipsime de slava le Devleski.” – Romani 3:23  2. E pokin le bezehăski si o merimos –“Vasa kă e pokin le bezehăski si o merimos!” – Romani 6:23

 3. E pokin le bezehăski sas pokime katar o Isus Hristos - “Numa kă Del sikavel pesko lașimos karing amende, anda e buki, ka kana samas amen bezăhale, O Hristos muleas vaș-amende!” – Romani 5:8 

  4. Tu trubul te pocăines tut hai te primines ande tkiro ilo le Isusos O Hristoso sar Rai hai Mântuitori tkiro personal – “Vai na tos sama tu pe o barvalimos le lașimasko, le muklimasko, tai la răbdareako le Devlesko? Na dikas tu că o lașimos le Devlesko penel tukă te pocăines tut?” – Romani 2:4(Ioan 1:12) “Se kokolengă kai priminde Les, kokolengă kai pachean ande Lesko Anav deslen o ceacimos te kărdeon savoro le Devlesko!” – Ioano 1:12

  5. Tu sai aves scăpime chiar akana – “Anda tkio mui mothos angla savorhenghe ke O Isus si O Del, ai te pachiasa tu ande tkio ilo ke O Del andia

les katar e moartea ka traio, avesa skăpime. Ka ande credința kai avel anda o ilo hutaralpes e neprihănirea, hai ande e mărturia le muiosa arisalpes kai e skăpimos!” – Romani 10:9-10 “Orkon akarăl o Anav le Devlesko avela scăpime!” – Romani 10:13 

 O iado si ciaceo hai si vesniko; O Ceri si ciacio hai e o scăpimos si ciacio. Morho pusimos si te san tu mîntuime?

  Te na primisardean le Raies O Isus Hristos ande tkiro ilo, hai ande tkiri viața,  akana si o momento potrivime te pitaras tkiro ilo hai te akaras le Raies le  Isusos  ande tkiro ilo!   Te san ciacio hai hatearas ka tu san hasardo ande tkiro bezăh, hai kames te aves iertime hai mîntuime, hai kames te aves siguro că si te arisas ando  Cerii le Devlesa, pen le Devleska e dorința tkire ileski hai mangtut chiar akana, predin tkiro ilo le Devleska.O Rai O Isus akarel tut pe tkiro anav; Vo marel kai o udar tkire ilesko hai ajukarel te pitaras Leskă: “Dik Me beșav kai o udar hai marav. Te așunel varikon Morho glaso hai pitarel o udar, Me intrino leste, lo e cina lesa hai vo Manța!” – Apocalipsa 3:20  Ker ande ado rughimos, o rughimos tkire ilesko:

“Devla murho Del, me janav kă me som ek bezehalo, hai me som hasardo; numa akana me avav Tute hai mangav Tut te iertisman hai te primisman!Pacheav că o Rai o Isus Hristos muleas pe-o trușul vașa morho bezăh. Mangav Tut, haidi ande morho ilo hai thovman ande Tkiro rat de se mara păcaturea; mangav Tut te kăras man Tkiro sauro hai te scriis morho anav ande o lil la viațako! Hai mangav Tut de ajutisman te avav Tukă credincioso se mîrhi viața! Amin!”

Kadala si morho rugimos anda tute, ka tu te packias and-o Del hai primisar Les O Isus Hristos ando tkiro ilo sar Rai hai Mântuitori!